Home sweet home

Dýnan mín


Kristín á sinni dýnu

The backlog

1 Black monday:

Í dag var mér í fyrsta skipti kalt.
Í morgun kom strætó of seint sem olli því að við mættum of seint í skólann.
Í dag fékk ég að vita að herbergið sem mér var boðið fyrir helgi á æðislegu kollegi var leigt einhverjum öðrum... grrrr.

Þess fyrir utan er ég ekki búin að fá pakkann sem pabbi og mamma sendu mér fyrir viku, sem þýðir að ég hef aungvar orðabækur því þær voru allar í pakkanum.
Við erum ekki búnar að fá CPR númerin okkar og þaðan af síður sygesikkerhedskortin okkar, sem þýðir að við getum ekki einusinni leigt okkur fokkings videospólu, hvað þá annað. Við erum í rauninni ekki til...
....................................
2 Bjarta hliðin:

Ég er allveg búin að venjast vindsænginni og finnst núna óþarfa pjatt að sofa í rúmi.
Vesterbro er ótrúlega skemtilegt og spennandi hverfi.
Okkur Kristínu kemur bara ágætlega saman.
Nú er skólinn byrjaður heima sem þýðir að það eru allir hangandi á netinu í tíma og ótíma=fullt af fólki til að spjalla við.
Skype er snildar uppfinning, ég talaði við m+p í 50 mínútur í gær.
Lín ætlar að lána mér fullt af peningum, þess vegna ætla ég að fara í vikunni og kaupa mér haust jakka.
......................................
3 Kór!

Ég sakna þín.
......................................
Tónlist:

Síðan ég kom hingað hef ég hlustað meira á tónlist en síðustu þrjú ár samtals. Ég veit ekki afhverju en þegar ég fór að vera í kór og læra að syngja þá hætti ég að hlusta á tónlist eins og ég gerði áður mikið af. En síðan ég kom hingað (og síðan ég eignaðist ipodinn þá er ég endalaust með eithvað í eyrunum.
Nema bara hvað, þá er ég með dálítið takmarkað magn af tónlist hérna úti og hef kannski ekki alveg verið að pæla í aðstæðunum þegar ég valdi það sem ég tók með mér. Tökum sem dæmi;

Íslensk ástarljóð-Fín tónlist, góðir textar, skemmtilegir flytjendur... en kannski ekki málið þegar maður er aleinn* og einmanna í útlöndum.
Nýdönsk- Æðisleg tónlist en Björn Jörundur er bara svo hræðilega óhamingjusöm týpa að það er ekkert skrítið að maður smitist, sérstaklega þegar maður er aleinn* í útlöndum og á hvergi heima.
Jón Múli - Ástarljóð og aftur ástarljóð.
Geirfuglarnir - Þessi eiginlega reddar málunum því þó að hér sé líka um að ræða ástarsöngva eru þeir svo þræl skemtilegir að maður nær ekki að verða leiður...svo leynast inn á milli gullmolar eins og "Baráttusöngur stjórnleysingjanna" (prófaði um daginnn að labba strikið með það í eyrunum og ég komst grínlaust helmingi hraðar yfir)

*Þegar ég segi alein þá meina ég það ekki bókstaflega, en þið skiljið hvert ég er að fara...þetta er ekki hollt.

Mig vantar meira, helst eithvað fyndið og skemtilegt eins og Baggalútsdiskinn sem ég ætlaði að kaupa í fríhöfninni en var þá ekki til.
Ég þarf líka nauðsynlega að komast inn á tónlist.is en þeir virka ekki fyrir machintosh (sem eru bara fordómar og ekkert annað!)
.....................................
Which leads me neatly to point nr...

4. Tölvan mín.

Við eru orðnar mjög nánar, mjög mjög. Í sjónvarpsleysinu er ég búin að kynnast henni allveg upp á nýtt og ég á ekki orð yfir því hvað hún er klár, en þó svo sæt. Og hljómgæðin eru stórkostleg ég er að heyra lög sem ég hélt að ég nauða þekkti allveg uppá nýtt.
.....................................


Jæja þetta var (held ég) tæmandi listi yfir það sem ég hef verið að pæla í síðustu dagar. Svo stefni ég á að gera þetta oftar á næstu dögum svo þið getið láttið ykkur hlakka til að heyra meira um búðakonuna á horninu, aðdáanda okkar á kebabstaðnum í næstu götu og litla bróður hans. Auk þess nákvæmum lýsingum á hobbitum og jólasveinum, skólanum mínum og því sem ég hræðist mest...

untill next time

X

Tölvuséníið

Ég veit að ég ætlaði að vera dugleg að blogga en mér finnst svo ótrúlega leiðinlegt að skrifa svona "þetta gerði ég í dag" blogg þegar ekkert skemtilegt gerist. Ég er búin að fá fullt af góðum hugmyndum af einhverju skemtilegu en ég kemst svo sjaldan í tölvu að ég gleymi því strax aftur. Þetta ætti samt að lagast núna því við erum ekki lengur að stelast í netið hjá nágrönnunum því mér, ég endurtek, MÉR tókst SJÁLFRI að tengja tölvuna við okkar módem.
Til þess þurfti ég fyrst að fatta hvað málið var og fara svo í þar tilgerða búð til að kaupa SNÚRU til þess að tengja tölvuna og því næst að stilla dótið svo að hún kæmist í samband, af þessu dreg ég þá ályktun að ég sé alls ekkert eins vitlaus og ég lít út fyrir að vera ha ha...

En allavega rest assured að það er allt í góðu hérna megin...erum að fara út úr bænum í rus tur (þetta var danska Helgi) og komum aftur heim á sunnudaginn.

Yess yess yess

Komnar með netið, þó stopult sé (er nánast viss um að ég sé að stela tengingu frá einhverjum öðrum, but you know) en aðal atriðið er að ég reddaði þessu allveg sjálf.
Nakti maðurinn var ekki úti í glugga í gær því það vr rigning en ég mun hafa augun hjá mér í framtíðinni, en nei hann var ekki flottur og Eygló ég held að hann hafi verið að lesa en ég er ekki viss því hann snéri baki í okkur.
Annars hefur lítið breyst síðan síðast annað en það að við höfum eignast þrjú glös og appelsínugulplasthnífapör úr Tiger, sem er gott. Fórum svo út í gær með stelpunum úr bekknum og það var voða gaman.
Um helgina er stefnan tekin á að haga sér eins og túristar og fara í HM, tívolí og dýragarðinn, og ég set kannski inn myndir af því eftir helgi ef netið verður samvinnuþýtt.

Nú eins og glöggir menn hefa tekið eftir þá er símanúmerið mitt vitlaust hér á undan en það er 004527-3-45509, svo nú geta allir sem ekki eru búnir að setja það inn hjá sér gert það núna...
...
Búin? ok

Annað var það nú ekki í bili, veriði dugleg að blogga elskurnar svo við getum fylgst með ykkur.

Anna

p.s Hilla ég er búin að hlusta mikið á geirfuglana ;)

Meget kort!

Verð að vera snögg því ég er í lánstölvu:
Við Kristín sofum á tveimur vindsængum í tómri íbúð.
Eigum eitt bjórglas sem Kristín stal af bar og ekkert annað. Höfum þessvegna borðað mikið úti og sem betur fer er mikið af kebab stöðum í kring um okkur.
Skólinn er indæll, verðum í bekk með 37 öðrum, þar af eru tveir strákar (menn).
Erum ekki í tölvusambandi en vorum að fá dönsk símanúmer.
Búnar að skrá okkur inn í landið.
Förum í tivolí og dýragarðinn um helgina með íslendingaklíkunni okkar.
Er ekki komin nálægt því að fá íbúð og ætla að fara að leita á leigumarkaðnum eftir helgi, látið mig vita ef þið vitið um eitthvað.
Símanúmerið mitt er 004527245509. Allir að setja það inn í símana sína og senda mér sms reglulega.
....
ummm... já og í dag í skólanum mínum sat allsber maður úti í glugga.

Ég held að það sé ekkert fleira, sakna allra og vona að allir sakni mín.

Kv Anna

D-day

Ég er að fara í dag.

Ég er ósköp andlaus og tóm eitthvað og þó að mig langi til að skrifa langa þakkarræðu til allra þeirra sem gerðu síðastliðinn mánuð eins skemtilegann og hann varð þá ætla ég ekki að gera það.
Trúið mér bara þegar ég segi að ég hef aldrei skemmt mér jafn vel yfir heilt sumar og ef þið höfðuð eithvað saman við mig að sælda þessa mánuði, þá vitiði hver þið eruð and I thank you.
Ég geri mér líka grein fyrir því að það hefði kannski ekki orðið eins gaman hjá mér hefði ég ekki haft þennan dag hangandi yfir mér, þannig að þó svo að ég hefi vælt yfir því að "þurfa" að fara þá þá veit ég líka að þetta er the next logical step, og rétt sem slíkt.

Nú vil ég taka það fram að nei ég er ekki að deyja! Ég er bara að flytja til Danmerkur (þar sem bjórinn er þið vitið) og hún er nú ekki svo óskaplega langt í burtu.




p.s og eftir að hafa lesið þetta er ég næstum því fegin því að vera að fara ;)

Bara einn dag í viðbót...

Plís, bara einn dag!!!

Ég á eftir að gera svo mikið.

Peningaþvottur

Ég týndi veskinu mínu í gær.
Ég leitaði og leitaði, ég leitað í eldhúsinu, ég leitaði í stofunni, ég leitaði í svefnherberginu mínu og inni á baði. Þegar ég fann ekki veskið fór ég í 11/11 og spurði hvort ég hefði gleymt því þar en svo var ekki. Þess vegna leitaði ég aftur í allri íbúðinni áður en ég fór út og leitaði í ruslinu, því ég er búin að vera svo dugleg að henda síðustu daga að mér datt helst í hug að veskið hefði farið með, en nei það var ekki þar.
Það var allt í þessu veski, öll skilríki og öll kort OG það sem mér þótti sárast var að sexþúsundkallinn sem Amma gaf mér og átti að fara til kaups á nýjum kodda var þarna líka.
Eins og gefur að skilja var ég ansi leið þegar ég fór að sofa í gær og var við það að gefast upp og hringja í bankann til að loka kortunum þegar ég fann veskið fyrir tilviljun ofaní þvottavélinni. Þá var ég búin að þvo að minnsta kosti tvær vélar síðan veskið tíndist.

What a day I've had!

Þessvegna finnst mér þetta passa ótrúlega vel:

BOGMAÐUR 22. nóvember - 21. desember
Truflanir á vinnuferli eru líklegar í dag. Kannski hrynur tölvukerfið, eða þá að rafmagnið fer. Að líkindum verða þetta minniháttar skakkaföll. Brostu (mbl.is)

Ég ætla aldrei að flytja aftur!
Aldrei!
Aldrei!
Aldrei!

Eða ég ætla allavega aldrei að flytja án hjálpar. Þegar ég segi ÁN þá meina ég þegar ein manneskja, í þessu tilfelli ég, þarf að skipurleggja, pakka og redda málunum ein, og það á virkum degi þegar allir eru ýmist við vinnu eða í skóla.

Guðunum sé lof fyrir Hillu sem reddaði kössum, teipi, og geðheilsu minni á ögurstundu (auk þess að bjarga bílnum út úr bílageymslunni rétt í tæka tíð. Ég var án gríns farin að skjálfa og var allveg hætt að hugsa skýrt áður en hún kom og beindi mér inn á rétta braut.
Svo kom auðvitað elskan hann Helgi og bjargði því sem bjargað varð, ótrúlega þægilegt að eiga vini sem þykir gaman að bera kassa!!!). Ég þrælaði honum að sjálfsögðu samviskusamlega út í allann dag fyrst ég hafði leyfi til þess og passaði uppá að honum leiddist nú ekki of mikið í grasekkilstandinu.
Annars er ég ágætis þrælahaldari, allavega leyfði ég honum að leggja sig í sófanum mínum og er búin að bjóða honum í amerískar pönnukökur á morgun og allt (en hann gæti þurft að kaupa jarðaber sjálfur)

Svo er annar svona dagur á morgun, þeir sem vilja og geta eru velkomir til að hjálpa til við þrif og pakkningar, og svo er pönnukökuuppskriftin svo stór að nóg er til handa þeim sem langar í.

Ok anda inn...anda út.

frh.

"féllstu strax fyrir honum"?

"Já, alveg strax"

"varstu búin að máta marga"

"Já svona þrjá fjóra"

Ég var ofsalega mikið að hugsa um annað þegar þetta samtal átti sér stað í ógeðisþættinum já núna rétt áðan. Þessvegna hélt ég að brúðurin og þáttastjórnandinn væru að tala um eiginmanninn tilvonandi og var alveg byrjuð að hneykslast á því hvað konunni kæmi það við hvað brúðurin hefði sofið hjá mörgum á undan manninum sínum þegar ég leit á sjónvarpið og áttaði mig á því að þær voru að tala um helvítis BRÚÐARKJÓLINN.

Djö maður...

Ég neyðist til þess að horfa á ógeðisþáttinn Já í kvöld. Gamla barnapían mín er í honum að segja frá indverska brúðkaupinu sínu og það er náttúrulega búið að klippa viðtalið allt í sundur svo maður verður að horfa á allann helvítis þáttinn í gegn.

Svo virðist hún vera búin að skipta um nafn og mig langar svo að vita afhverju.

Fyrsta fullorðins menningarnóttin mín

Anna fer í ríkið og kaupir kassa af bjór...næstum því alveg sjálf.
Anna heldur grillveislu.
Anna heldur niður í bæ með Louísu vinkonu sinni.
Anna tekur út menningarskammtinn fyrir árið á sýningu listaháskólanemi í rammreykvískum bakgarði í ljósaskiptunum.
Anna kyssir ókunnugann mann tvisvar á munninn og þarf ekkert að borga fyrir.
Anna stendur með hvítvínsglas í sama garði, spjallar við Snjósu sína í síma og nýtur þess að vera í Reykjavík.
Anna og Louísa leiðast niður í bæ umvafðar í menningunni.
Anna fær kandífloss :)
Anna og Louísa fara á tónleika á hafnarbakkanum.
Anna og Louísa syngja og tralla með tónlistinni og láta alment eins og fífl.
Anna og Louísa skála í vatni og hvítvíni fyrir tíu ára afmæli menningarnætur.
Anna tekur ákvörðun um að láta spila brúðarmarssinn á rafmagnsgítar ef hún einhvertíman nennir að gifta sig.
Anna og Louísa horfa á flugeldasýningu.
Anna og Louísa ELSKA flugelda.
Anna og Louísa drukkna næstum því á leiðinni frá tjarnarbakkanum.
Anna og Louísa leita skjóls á kaffibarnum.
Anna og Louísa eignast vinkonu í klósettröðinni á kaffibarnum.
Anna og Louísa halda í Iðnó
Louísa kaupir meira hvítvín.
Anna fær pepsí.
Anna kaupir sig inn á Geirfuglana.
Anna kveður Louísu með virktum og þakkar henni fyrir kvöldið.
Louísa fer á vit nýrra ævintýra.
Anna, Harpa, og Hilla leggja undir sig klósettið í Iðnó.
Anna rifjar upp gamla tíma og leiðbeinir tónleikagestum um húsið.
Anna, Hilla, Harpa, Kristín og Erna dansa og dansa og syngja og hoppa og dansa í tæpa þrjá tíma, með einni vælitrúnó pásu.
Anna uppgvötvar að til er such a thing as rafmagnsmandólín og verður voða glöð.
Anna elskar Geirfuglana.
Anna verður vitni að merkilegum atburðum sem ekki verða hafði eftir hér en vöktu mikla athygli á leiðinni út af tónleikunum.
Anna og Harpa halda út í nóttina.
Anna og Harpa sjá Jamie Bell.
Jamie Bell er lítill
Anna skilur Hörpu eftir með Jamie og félögum og heldur heim á leið.
Anna lendir í leigubílaröðINNI og bíður þar í rúman klukkutíma með fullum fullum kalli sem var alltaf að reyna að stiðja sig við hana.
Anna kemst loksins heim í rúm.

Anna lofar sjálfri sér hátíðlega að fara aftur á Geirfuglatónleika og að mæta galvösk til leiks næstu menningarnótt, en vera þó búin að redda sér fari heim fyrirfram.

Tra la la la la la la

Hann á enga spýtu,
bara jarðýtu....

Djöfullinn! helvítis hrossið vill ekki deyja.
Hvar sem er og hvenær sem er dettur þetta lag inn í kollinn á mér, sérstaklega í vinnunni. Við eigum svo mikið af plast hestum sjáðu til.
Þetta er næstum því jafn slæmt og þegar Inga Dóra og lambið hennar gekk á milli starfsfólksins í vinnunni eitt sumarið, það var nú gaman.
Annars er ég hætt að vera veik, nú er ég bara með hálsbólgu. Mér tókst samt að áorka töluvert miklu þennann eina dag. Á milli þess sem ég snýtti mér hlóð ég öllum myndunum mínum inn á netið, þvoði og þurkaði fimm vélar af fötum og tók til í helmingnum af stofunni.

tra la la la

Tveir bjórar á mann, er það ekki nóg?

Oh ég ætla aldrei að flytja framar, þegar ég kem heim ætla ég bara að skilja allt eftir þetta er of mikið vesen.

Ég er lasin

Þess vegna hef ég haft tíma til að skoða gamlar myndir á kór síðunni and what a fabulous trip down memorie lane I´ve had. Var þetta í allvörunni svona gaman, svei mér ef kórinn minn hefur ekki verið hápunktur síðustu þriggja ára og hvað í ósköpunum á ég að gera án hans. En svo fékk ég hugmynd!
Hvað er nú betra á dimmum blautum vetrarkvöldum en að orna sér við góðar minningar sem spretta fram við að skoða skemtilegar myndir??? Well þar sem að ég get ekki verið viss um að vera með nettengingu í útlandinu (allavega ekki strax) ákvað ég að hlaða inn á tölvuna mína nokkrum vel völdum myndum og jafnvel síðar meir að prennta þær út og setja í gamaldags albúm (ég elska myndaalbúm).
Góð hugmynd já, en gjörsamlega óframkvæmanleg. Sjáðu til ég get ekki valið, ég vil eiga þær allar, ALLAR. Því eins og einhver sagði þá getur maður ekki treyst því að það sem þessi kór tekur uppá lifi í minningunni allveg að sjálfu sér. Því eftir því sem tíminn líður dofnar minningin og þá hættir maður að trúa því að þetta geti í raun og veru hafa gerst, ef ekki væri fyrir myndirnar.
Eins og til dæmis þessi mynd:

Hver hefði geta trúað því að hægt væri að koma öllum þessum löppum fyrir ofaní þessum litla potti?
Og hverjum öðrum en kórnum mínum hefði dottið í hug að reyna?

Hey Kór!!! (og annað fallegt fólk)

Grill hjá mér (foreldrum mínum reyndar en þau verða ekki á staðnum samt) á laugardagskvöld, milli maraþons og flugeldasýningar. Bring your own meat og einhvern sem kann á gasgrill. Redda sjálf meðlæti og bjór...ef ég finn ríkið.

See you.

Í hádeginu í dag, þegar ég var að koma mér vel fyrir undir hlýju teppi til að hlusta á Emil í Kattholti, lagðist hjá mér ungur maður. Hann hjúfraði sig upp að mér, tók um hálsinn á mér og sagði lágt;

"Það er so góð litt af þér".

Svo strauk hann mér um hárið þangað til að ég sofnaði.

Ég á eftir að sakna svona mómenta.

Rétt´upp hönd...

sem skyldi færsluna hér fyrir neðan, ´cos I don´t.

Ég fór í Skagafjörðinn um helgina með uppáhalds fólkinu mínu sem þýðir að sjálfsögðu að ég svaf sama og ekkert um helgina. Í gærkvöldi var ég svo þreytt að ég gat ekki sofnað, þannig að ég fór nottlega á netið. Þegar ég var búin að þvælast þar um í dágóða stund og njósna um mann og annan, skoða haust tísku gap.com og updatea umsóknina mína á findbolig.dk ákvað ég að blogga, þessi færsla er (í stíl við helgina þó ekki eins) dáldið súr.

Ég lofa að gera þetta ekki aftur.

En koddinn minn er samt ennþá týndur.

Ég gleymdi koddanum minum uppi i sveit!!!!

Skemmtileg roadtrip ferð að baki, brottfarardagur skuggalega nálægt.

Am feeling most peculiar.

Heilabrot

Það er erfitt að vera söngleikja nörd.
Ég er að pakka niður geisladiskunum mínum. Í gegnum árin hef ég dugleg að sanka að mér diskum á ferðum mínum í heiminn og mér telst til að ég eigi tæplega eitthundrað diska með tónlist úr söngleikjum (þá er ég bara að tala um þá diska sem innihalda heilann söngleik, ég á eftir að fara í gegnum safndiskana og fullorðinstónlistina).
Vandamálið við svona söfn eins og mitt er hvernig maður á að flokka þetta dót, möguleikarnir eru endalausir. Sumir diskanna eru merkilegir út á höfund tónlistar, aðrir út á höfund texta, og enn aðrir út á aðal eða aukaleikara í ákveðnum uppfærslum.
Svo er náttúrulega alltaf gamla góða stafrófsröðin, þá myndi ég fara eftir titlum. En þá gæti ég lent í vandræðum, þegar eftir tvö ár ég kem heim um jólin og mig langar að hlusta á ákveðið lag, en af því að ég hef ekki hlustað mikið á söngleiki í Danmörku þá man ég ekki hvaðan lagið er en man hver syngur það. Þá væri mjög þægilegt að geta farið í kassan merktann Michael Ball og þá þarf ég bara lesa á nokkra diska í staðin fyrir á alla hundrað!!!

Æi, kanski ég raði þeim bara í litaröð eins og ég gerði við Disney bækurnar mínar hérna einu sinni, þá verður allavega fallegt að horfa oní kassana.

Brottfarardagur 29.08.05

Áður en ég fer þarf ég að:

Pakka öllu og flytja úr fallegu, fallegu íbúðinni minni (hjálp myndarlegra sterkra karlmanna óskast)
Fara með kórnum mínum í Skagafjörðinn
Elda kjúklingana sem eru í ísskápnum mínum
Baka franska súkulaðiköku
Fara á Tapas með vinnunni og leyfa þeim að kveðja mig
Fara á menningarnótt, sjá flugelda og borða kandýfloss með skemtilegu fólki!!!
Halda kveðjuveislu sjálfri mér til heiðurs.
Borða pizzu frá Eldsmiðjunni to see what all the fuss is about!!!
Hætta í vinnunni
Fara í klippingu
Tala við bankann
Segja upp símanum
Knúsa börnin á leikskólanum
Knúsa vini og ættingja
Knúsa kórinn minn
Knúsa köttinn

19 days and counting!!!!

Fyrir forvitna

Þá er ég komin með myndasíðu (linkur hér til vinstri) það er svosem ekkert merkilegt þar ennþá, en bíðið róleg það kemur.

Í morgun þegar ég fór á fætur hélt ég for a split second að adsl tengingin mín væri endanlega dauð. Þetta kom mér svosum ekkert á óvart þannig þar sem ég dömpaði Háskóla Íslands í vikunni og var allveg að búast við þessu. Þess vegna varð ég svo ótrúlega glöð þegar draslið hrökk í gang rétt í þann mund sem ég rak augun í síðustu Maltisers kúluna frá því í gær sem hafði falið sig í sófanum mínum... áður en hún bráðnaði.

Netið og súkkulaði, góð byrjun á deginum.

Ok

Búið að redda kössum og hugsanlegum leigjanda...hver tekur að sér að passa?!

Lengsta Verslunarmannahelgi sögunnar

Prófið að taka biðina eftir jólunum og föstudaginn langa og bætið þar við síðasta klukutímanum i vinnunni á föstudegi and then you´ll have some idea what I´m talking about. Ég viðurkenni að ég vanmat gjörsamlega mátt útihátíða og almenns fyllerís, ég hélt í allvöru að það yrði einhver eftir í bænum, but no. Fólk var ýmist úti á landi, úti í heimi eða að vinna, allir nema ég. Ég sat heima i sjokki (er reyndar enn í sjokki, svona þannig, er ekki allveg að meðtaka þetta allt saman og er þessvegna ekkert að segja fólki frá þessu svona að fyrra bragði).
Fór reyndar á Stuðmanna tónleika (loksins) í Húsdýragarðinum með pabba sem var órúlega skemtilegt, og auglýsi ég því hér með eftir Með allt á hreinu á dvd aður en ég fer, verð að sjá hana aftur.
Á dagskránni út mánuðinn er svo bara að knúsa köttinn minn, hanga/ með vinnum mínum og kórnum á hverju einasta kvöldi, fara á menningarlega staði einsog Gljúfrastein og mæta á menningarviðburði eins og Gay pride og menningarnótt (já og svo þarf víst að pakka líka)


p.s mig vantar kassa....og legjanda...og pössun fyrir köttinn helgina 11-13 ágúst, takk fyrir.

Shit shit shit shit shit

"Du tilbydes hermed en studieplads på Københavns Universitet"

Shit!

Ég er að flytja.

Nei bréfið er ekki komið

Oh lífið getur verið svo erfitt

Það er svo erfitt að hanga í útilegu með vinum sínum í glampandi sól og blíðu. Að sama skapi er ótrúlega erfitt að djamma alla nóttina við söng og gleði og hamingju og borða humar í fyrirmorgunmat og fá knús á leiðinni á klósettið og pizzu á leiðinni til baka og svo er náttúrulega allveg djöfullegt að þurfa að hlægja eins og vitleysingur af misgáfulegum bröndurum.
En best að byrja á byrjuninni.
Litli brúnn er ferðafélag Háskólakórsins og fer hann í útilegu einu sinni á ári. Við förum alltaf í Þrastalund þar sem Forsetalunur er tekin frá fyrir með þar til gerðu skilti (Svo er hún Kristín að sjálfsögðu líka frátekin eins og hér má sjá). Helgin líður við bjórdrykkju og sólböð og þegar ég mætti á staðinn var sú iðja þegar komin vel á veg, bjórdrykkjan það er að segja.


Eins og hér sést...























og hér.




















Svo syngjum við líka...


























og spilum á hljóðfæri.


























Svo lætur maður renna af sér í sólinni...






















og á sig aftur.



























Þess á milli skemmta menn sér við hin ýmsu störf:





Ýrr fléttar hár

















































































Margir lásu Harry Potter (og þótti hún greinilega mis spennandi ;)































Og Ásdís fór að spá
Ég var mjög sátt við mína, því í minni framtíð liggur ríkur eiginmaður og sundlaug, sem mér þykir mjög skemmtileg blanda.






















Svo þurfti náttúrulega að borða líka.







Á meðan sumir borðuðu misspennandi útilegumat...





























fóru aðrir fínni leiðina.




































Siggi mætti í fötum í stíl við matinn sinn






















Og Harpa borðaði náttúrulega af prinsessudiskum



















Svo er auðvitað nauðsynlegt að fá sér smá snarl fyrir svefnin, hér er Kristín að grilla handa mér humar og Hannes að grilla pulsur.






























Að lokum er svo nokkrar staðreyndir.








Jú ég var á staðnum,





































Og Fríða líka,

























Maður þarf að vera hreinn þegar maður fer í fótanudd




























En það er greinilega vel þess virði



























Eldur er heitur
































Og gúmmískórnir mínir voru víst notaðir.
































"taka of mikið með sér" hnuss!

Of again...

Er að fara í útilegu um helgina, jibííí.
Er tilbúin með tjald, svefnpoka, vindsæng, kodda, hlý föt og köld föt, nesti, regngalla, gúmmískó, sólaráburð, aftersun, sandala, eyrnatappa, augnhlíf og....já man ekki eftir meiru í augnablikinu. Allavega ég er tilbúin nú þarf ég bara að komast á staðinn.
Kem aftur á sunnudaginn, reynið nú að sakna mín ekki of mikið ; )

Ég er komin heim!!!!

Og ekki seinna vænna ef marka má nýjustu fréttir :(
Ferðin var æðisleg. Lundúnarbúar eru nokkuð rólegir miðað við aðstæður, fólk horfir meira í kringum sig en áður og allir virðast bregðast við sírenuvæli sem annars væri ekki tekið eftir. Ég var ekkert stressuð en kipptist þó alltaf við þegar óvæntir hvellir heyrðust eða ef einhver hnerraði í návist minni (undirmeðvitundin sko, merkilegt fyrirbæri).
Við tókum líka þátt í stórmerkilegri uppákomu sem varð síðasta fimmtudag, þegar London stoppaði. Við komum okkur fyrir ofarlega á Oxford Street þar sem er ALLTAF miklil umferð og ALLTAF mikil læti og viðhéldum tveggja mínútna þögn með öllum í London. Ég verð að segja að þetta voru mjög furðulegar mínútur, allir flykktust út á götu og strætóar og leigubílar stöðvuðu umferðina og margir fóru út úr bílunum sínum, þar á meðal múslimi sem stóð úti á götu og bað bænir í hljóði. Einn bíll ætlaði nota tækifærið og komast áfram en var stoppaður af öðrum vegfarendum.
En tökum nú upp léttara hjal. Þrátt fyrir mitt persónulega framtak sem fólst í því að dæla peningum inn í hagkerfið (er ekki alveg viss um hversu miklum, þori ekki að gá) virðist það ekki hafa hjálpað mikið. Þvert á móti hefur pundið lækkað en frekar en hitt,en ég er þó "nokkrum" flíkum ríkari. Ég keypti líka nokkrar Harry Potter bækur á 10 pund og eigendurnir geta vitjað þeirra hér hjá mér.
Reyni svo að setja inn myndir af NÝJU MYNDAVÉLINNI MINNI við tækifæri.

Well...I'm off to save the pound

See you in a week : )

Ég er ekki að fila veðrið...

Ekki það að ég sé mikill sólardýrkandi þannig en ég vil gjarnan hafa smá tilbreytingu í veðrinu. Ég verð eirðarlaus þegar veðrið er eins of lengi og það er komið gott af skýum og roki. Svo vil ég líka hafa bjart á sumrin, í gær þegar ég fór í bað gleymdi ég að kveikja ljósin, sem væri ekki frásögu færandi nema af því að ég var að reyna að lesa mér til um brúnkukrem (seeing as how there is no sun!) og ég sá ekki neitt! Ég er sem sagt aungvu nær, og allt er þetta veðrinu að kenna.
What´s a girl to do?

My baby has been hurt!!!

Þetta er allt í lagi ástin mín, Anna kemur bráðum og bjargar þér.

Stundum borgar sig að gera mistök

Ó já. Í lok maí varð mér til dæmis á að gera mistök í vinnuskýrlunni minni og voru þau mistök leiðrétt á föstudaginn, og rúmlega það. Já kæru vinir I am loaded.
Ég ákvað þess vegna að verðlauna sjálfa mig fyrir að hafa verið svona sniðug og gaf mér 10000 til þess að eyða af vild í gær. Takmarkið var að kaupa eyrnalokka sem ég hef verið mæna á vikum saman (sjá mynd), að finna sólgleraugu sem fara mér vel, no mean task I can tell you, helst einhverjar buxur og bol eða peysu.
Nú verð ég að taka það fram að ég er þannig að þegar ég versla vil ég fá mikið (þ.e marga hluti) fyrir peninginn og kaupi þessvegna talsvert ódýrari föt en margur. Þess vegna verður það að teljast til tíðinda að ég hafi, á fimm mínútum eytt öllum tíuþúsundkallinum í EINN jakka!!!
Jakkinn er náttúrulega yndislegur og frábær, hvítur og aðskorinn og hann getur bæði verið ógó töff eða dömulegur allt eftir því hvernig maður klæðist honum. Svo er hann úr Zöru sem gerir hann ennþá frábærari því á duða mínum átti ég von en því að ég passaði í eitthvað þar.
En það sem merkilegra er, er að ég hætti ekki þar. Ó nei ég keypti mér líka skó ( lentum sko á 2 fyrir 1 tilboði þannig að við keyptum sitthvort skóparið og splittuðum kostnaðinum) og sólgleraugu OG bol. Í fyrsta skipti á æfinni keypti ég mér nákvæmlega það sem mig langaði í án þess að pæla í því, það var doldið gaman. En jakkinn mun samt sem áður ganga undir heitinu "Dýri jakkinn" og öll föt sem ég kaupi héðan í frá munu þurfa að passa við hann, en það er allt í lagi því hann er svo flottur.

Back in the land of the living

Já eftir að hafa setið og horft á módemið mitt í rúma viku er netið mitt er komið í lag!
Það er búið að liggja niðri síðan á miðvikudaginn í síðustu viku og ég hef bara verið hálf manneskja án þess. Reyndar hef ég líka komið ýmsu í verk in the meantime. Ég er búin að setja upp tvær hillur og einn snaga, spasla og slípa þrjár hurðir og langt komin með að lakka þær. Á sama tíma er ég buin að missa af miklu sem farið hefur fram online og gat þar af leiðandi ekki gert sem ég annars ætlaði að gera, auk þess að vera peningalaus vegna þess að ég komst ekki inn í einkabankann minn.
En allt bendir nú til betri tíma, og þó að ég treysti því ekki að þetta vari við ( þ.e ég býst við því að allt hrynji á hverri stundu) ætla ég að njóta þess á meðan ég get, ég hef saknað ykkar.

Ladies!

Ég er að æfa mig í því að vera dama. Það gengur neblega ekki að vera á dömuhjóli með körfu, sem heitir líka Lady, og vera sjálfur eins og fuglahræða. Þess vegna haf ég gert viðeigandi ráðstafanir til þess að vera dömuleg dags daglega; ég er byrjuð að maka mig út í hinum ýmsustu kremum, set á mig ilmvatn áður en ég fer út úr húsi og er búin að kaupa eithvað svona dót til þass að lakka neglurnar með til þess að þær verði sterkari og þoli leikskólavinnu og þar að auki litað naglalakk til þess að sorgarrendurnar (sem eru óhjákvæmilegur fylgifiskur þess að leika sér í sandkassanum) sjáist ekki.
Starting tomorrow ætla ég að hafa hárbursta maskara og gloss í vinnunni og samhliða því ætla ég að reyna að vera meðvitaðri um að halda fötunum mínum hreinum.
Þessi prósess allur virðist reyndar vera dulitið dýrari en ég gerði ráð fyrir. Þessu komst ég að áðan þegar ég stóð og beið í Lyfju og prófaði brúnkukrem, gloss, púður og ilmvötn. Þess vegna er ég að reyna að halda lista yfir allt sem mig vantar og vantar ekki og ætla mér að kaupa þessháttar dömulegar vörur í London.

Var ég búin að segja ykkur að ég væri að fara til London? Nei? ÉG ER AÐ FARA TIL LONDON 13-20 JÚLI!!! *

Ég hyggst snúa til baka ný manneskja, sæt og fín og dömuleg sem aldrei fyrr, sem er að sjálfsögðu mitt og okkar kvennanna hæsta og jafnvel eina takmark í lífinu.

Gleðilegan 19. júní.


*( Glöggir lesendur hafa eflaust tekið eftir því að dvöl mín í ríki bretadrottningar mun eiga sér stað um það leiti sem nýjasta Harry Potter bókin kemur út. Þeir sem vilja spara sér nokkrar krónur með því að láta mig kaupa bókina í heimalandi höfundar fyrir sig geta lagt inn panntanir hér að neðan)

17. Júní

Ég rakst á aldeilis skemtilegan link á vedur.is á meðan ég var að horfa á forsætisráðherra sem heitir "Er alltaf rigning á 17. júní". Þar kemur fram að á síðustu 23. árum (my lifetime) hefur rignt nákvæmlega 5 sinnum á 17. júní. Ég er reyndar ekki allveg sammála þessu því þegar ég fæ mér canyfloss ( sem gerist á hverju ári, nema í fyrra því þá var ég veik) þá fer undantekningarlaust að rigna.
Ég læt þetta þó ekki á mig fá og stefni ótrauð niðrí bæ á eftir til þess að fá mér Bæjarins og candíflos, og labba mig eins og einn hring í kring um tjörnina. Ef það fer að rigna þá vitiði hverjum það er að kenna.

Er þetta málið?

Sólgleraugu
Originally uploaded by mér.

Shitt hvað ég þarf að fara að blogga meira...

Það er allt og margt skrítið og skemtilegt að gerast í heilanum mínum sem þið eruð að missa af!
En fyrst þarf ég að klára þetta bréf og svo ætla ég að skrifa póst sem mun bera yfirskriftina "Why o why er allt svona ljótt" og mun fjalla um árangurslausa leit mína að einlitri yfirbreiðslu á straubrettið mitt.

All mine...

Dömuhjól með körfu
Originally uploaded by mér.

Orð geta ekki líst gleðinni sem fylgir því að líða um götur bæjarinns á þessum fagra fák, himneskt.Svo var það líka á svo góðu verði og það fylgdi hjálmur með og allt. Ég er hrikalega ósexí með hjálminn en það væri ég líka hauslaus, so there. Ég fattaði neblega að ég er ekki allveg með hjólatakatana á hreinu lengur, sérstaklega er fótbremsan að vefjast fyrir mér.
En ég gerði líka fleiri góð kaup, ég keypti vindsæng í RL búðinni (alas bara einbreiða), bol í Söru, peysu í Hagkaup og vinnuvettlinga og blómaskóflu í Húsasmiðjunni.Ó já þetta sumar verður tekið með stæl, næst á dagskrá er að kaupa sumarjakka og ný sólgleraugu sem hylja þreytt, ómáluð augu og draga athyglina frá ógreiddu hárinu.

Æi dísz

Ég sem hélt að ég gæti loksins slökkt á heilanum mínum yfir sumarið.

"Du har ikke i din ansøgning vedlagt den omtalte motiverede ansøgning"

Úbs, ég þarf semsagt að skrifa eina A4 síðu um mig eða hvað er svona frábært við mig og hversvegna á ég skilið að komast inn í KU. Til þessa hef ég átta daga.

Any ideas?

Hver segir að maður geti ekki keypt hamingju?

Í dag fékk ég námslánin : )

Afþví að ég elska góða textasmíð

...og afþví að ég er orðin heilaþvegin af leikskóla vinnu.

Grýlukvæði
Lag og ljóð: Hrekkjusvín

Nú er hún Grýla dauð.
Hún gafst upp á að róla sér á róluvöllunum.
Það vildi enginn gefa henni brauð
og hún fékk engan frið fyrir öskuköllunum.

Sem tæma allar öskutunnur
svo tómur er Grýlumunnur
sem tæma allar öskutunnur
svo Grýla fær ekki neitt.

Á endanum hún tók til bragðs að róla endalaust
af öllum kröftum hærra en nokkur annar má.
Og þegar hún var komin ofsa ofsa hraða á
þá sleppti hún taki og flaug um loftin blá.

Grýla hún lenti upp í Esju
og núna er hún bara til í barnabókunum.
Líka í leiðurum blaða
til að hræða fólk frá hærri og meiri kaupkröfum.

Grýla gamla er steindauð
og Leppalúði líka.
Krakkar og öskukallar
ráku þau á braut.

Á endanum hún tók til bragðs að róla endalaust
af öllum kröftum hærra en nokkur annar má.
Og þegar hún var komin ofsa ofsa hraða á
þá sleppti hún taki og flaug um loftin blá.

Þriðjudagskvöld

Ég er orðin svo meir á gamals aldri. Áðan var teiknimynd í sjónvarpinu um kettling sem var veiddur af rottum sem svo ætluðu að elda greyið í smjördegi. Ég meikaði ekki að sjá hann þarna innbundinn og mjálmandi litla greyið og skipti um stöð. Samt vissi ég allveg að pabbi hans myndi koma og bjarga honum og veiða rotturnar. Núna er ég að horfa á Sex and the City á þýsku, það er allveg ágætt.

Gífurlega menningarleg fylleríisferð

Hér á eftir fer frásögn af vorferðalagi háskólakórs Háskóla Íslands vorið 2005. Frásögnin verður í formi stuttra minningabrota og væntanlega engum til gagns nema undirrituðum og nokkrum öðrum sem actually muna eftir ferðinni. Til þess að skilja það sem hér fer á eftir skal haft í huga að fyrsit viðkomustaður á þessu ferðalagi var áfengisverslunin Heiðrún, þar sem furðu lostnir starfsmenn fylgdust með tæplega 25 einstaklingum tæma hillurnar af bjór kl 11 á þriðjudagsmorgni.
Hefst þá frásögnin...

Heiðrún...fyrsti bjórinn opnaður um kl 11:30. Selfoss þar sem við mættum fyrst í röðina í Bónus (Selfyssingar versla í hádeginu) og hittum Þengil, vorum nærri búin að kippa honum með í Olís búningi og allt...keyri keyri...einhver lítill bær á suðurlandi...keyri keyri...stopp í Skaftafelli, þar sem kórbræður mínir reyndu samviskusamlega að nefbrjóta mig, þess má einnig geta að þarna sást til sólar í síðasta sinn alla ferðina....keyri keyri...HÖFN Í HORNAFIRÐI...gistiheimili "Hér má ekki hafa hátt" wtf!!!...lausn: 23 fyllibittur og ég grilluðum hamborgara á tjaldstæðinu í frosti og roki (gat varla borðað fyrir köldum fingrum) og þar á eftir djamm, já það má margt gera við 15 fm kofa, tvær kojur og gítar, ótrúlega skemmtilegt kvöld...
Daginn eftir var "Jón Bakari" í miðbænum aðal pleisið...sumir keyptu gúmmískó og aðrir keyptu vetrarföt...rútuferð um sveitir Hornafjarðar með Dúdda vini hans Tuma...svo lööööng æfing...svo sund...svo urðum við næstum of sein á okkar eigin tónleika...kvöldmatur og djamm (what else?)...maðurinn á bak við tjöldin "þú blæst og ég geri hljóðið" (you had to be there)...þarna var líka pool borð, þar sem sumir sýndu snildar takta, aðrir ekki...drykkjuleikur...og gítar...djammað fram til morguns með INNFÆDDUM, ég var reyndar farin heim að sofa en sá myndirnar...
"Ég er svo andskoti þunnur" já þau voru ansi glær greyin, en ég var hin hressasta...eftir slatta af þynnkumat var haldið af stað í merkilega skemmtilega rútuferð, svona miðað við...hreindýr...keyri keyri...eurovisionprepp...pylsa með pítusósu!!!... Eiðar...skrítin lykt...ofsalega var Selma í skrítnum fötum...en Moldavía komst áfram, jey...um þetta leiti byrjaði að snjóa...seinna tókst mér að draga ýmislegt uppúr Sigga og lærði pínu í eðlisfræði...svo dönsuðum við vals og svoleiðis dansa...dansi dansi...spjalli spjalli...ótrúlega skipurlagðar tiltektir framkvæmdar af mér Karíusi og Baktusi...
Sund á Egilstöðum þar voru börn í sundtímum, undarlegt gums í pottunum og gleraugu gufuðu upp á dularfullan hátt, (sundlaugarstarfsmenn eru allstaðar eins)...krúttlegt kaffihús með franskri súkulaðiköku mmm...AFHVERJU ER SNJÓBILUR Í VORFERÐALAGI????...fólk að spila á píanóið, fólk að sofa, fólk að elda, ping pong...burritos...spjall...flétta hár...syngja...meira ping pong...twister, hló svooo mikið...PIPAR steik...eldhúspartí...
Ræs kl 10 og brottför kl 11 (þ.e 12:30 á kór tíma) en fyrst þurftum við að taka til og svona...og Hannes kenndi mér ping pong...keyri keyri...austurland var hálf eyðilegt...svófum mikið í rútunni...bláa lónið í mývatnssveit, þar var ótrúlega gaman, fyrst datt ég ofan í lónið og svo leið næstum yfir mig þegar ég var komin uppúr, grænt fer mér víst ekki...sveitin hans Hannesar og loksins fékk ég að klappa lömbunum (sjá mynd) og svo saug belja á mér handleggin, veit ekki hvort var skemtilegra. Áður en við fórum þaðan átum við fólkið á bænum út á gaddinn og sungum í staðin...hin fagra Akureyri...KA heimilið og Greifinn...fylgdumst með stigagjöf yfir pizzu hlaðborði, þar sem ég ein hélt samvisku samlega með Moldavíu og fagnaði þeim gífurlega...djamm í KA heimilinu...hver sagði að íþróttir og áfengi fari illa saman???...
sváfum öll í einni kös og vöknuðum kl 10 um morguninn við innrás lítilla KAinga og mæðra þeirra...ég var búin að gleyma hvað mér er illa við íþróttakennara...sem betur fer hafði einhver haft rænu á að taka saman bjórdósirnar áður...keyra heim...á leiðinni var ýmist sofið eða horft á Simpsons, (snild að hafa sjónvarp í rútu) og þegar við keyrðum inn í Reykjavík kom aftur sól.

Nú skal syngj'um lömbin...

Anna og litla lambið
Originally uploaded by mér.

Hér er mynd af mér og litla lambinu sem ég fékk að knúsa á laugardaginn. Því miður finn ég hvergi mynd af mér með hálfan handlegginn uppi í kjaftinum á belju, en það var víst skemmtilegt móment.
Restin af ferðasögunni kemur þegar ég er búin að skrifa eina minningargrein (don't worry ekki svoleiðis minningargrein).

Heim

Hvað er betra eftir skemmtilega ferð í kring um heilt land, en að liggja uppi í rúmi, nýþveginn og fínn, með tölvuna sína í fanginu og köttinn sér við hlið. Ró og regla yfir öllu, allt á sínum stað.
Því miður tókst óhreinu fötunum ekki að læra á þvottavélina að þessu sinni og þaðan af síður uppvaskinu á uppþvottaburstan, en það er bara allt í lagi í bili. Allavega þangað til á morgun þegar ég á engin föt í vinnuna og aungva skeið í grautinn. Núna nægir mér þögnin, kötturinn, mjúka mjúka, rúmið mitt og draumurinn um soðna ýsu og kartöflur sem ég fæ vonandi á morgun.

Hvað er betra?

Atjuu

Ég hnerra svo hátt að undir tekur í fjöllunum, og fjöllin eru langt í burtu! Ég er að reyna að pakka en þarf alltaf að taka pásu til þessa að snýta mér og hvíla mig. Ég sem ætlaði svo að nota tækifærið á meðan kötturinn er í burtu og þrýfa almennilega kem til með að skilja við pleisið í messi og öll fötin mín óhrein.

Atjhúú!!!

Ég verð ömurlegur ferðafélagi :(

Home is where the cat is...

Ég er allavega farin að halda að ég geti ekki búið á kattarlausu heimili. Kötturinn Njáll, stundum kallaður mús, er kominn í pössun út vikuna á meðan ég ferðast um landið, þó ég fari reyndar ekki strax, og ég sakna hans voðalega. Það er ekki það að ég geti ekki farið frá dýrinu mínu, ég get það vel, en mér finnst verra þegar hann fer frá mér.
Hér er allt svo tómlegt, enginn til að kúra hjá og það versta er að nú hef ég enga skýringu á öllum húsa hljóðunum í íbúðinni. Venjulega, þegar ég heyri ókunnug hljóð á nóttunni kenni ég honum bara um og held ró minni. Ef svo vill til að elsku krúttið liggur við hlið mér þegar óhljóðin heyrast get ég fljótt séð á viðbrögðum hans hvort það er eitthvað sem þarf að athuga betur.

Það er nefnilega betra að búa einn í risíbúð með ketti heldur en ekki!

Mikið afskaplega verður nú annars mikið úr deginum þegar maður vaknar svona snemma, verst hvað maður verður fljótt þreyttur.

Æi bögg!

Það er ekki um að villast, stíflað nef, vökvafyllt eyru, sár í hálsi, enginn hiti as of yet, en ég hef nú heldur ekkkert verið að gá að því. Ég veit svo sem ekki afhveju þetta kemur mér á óvart, ég verð alltaf veik eftir bæði vor og jólapróf.
Þess fyrir utan er lífið bara ansi gott og skemmtilegt; afmælisveisla á fimmtudaginn, leikhús á föstudaginn, matarboð í gær (dísus það var svo gott, ég fékk gæs og ég vissi ekki að gæs gæti verið svona góð, og sósan!!! sósan var bara allveg yndisleg). Svo fæ ég aftur fínt að borða í dag, aðalfundur á morgun (á eftir upptökum sem ég er ekki viss um að ég geti tekið þátt í) og aðalatriðið VORFERÐALAGIÐ eftir tvo daga.
Endalaus gleði og skemmtun, en þið verðið að fara varlega, maður gæti farið að halda að maður sé eftirsóttur félagsskapur.

Annars er ég aðalega hér til þess að vekja athygli á því að klukkan er 8:50 á sunnudagsmorgni og ég er vöknuð!!! Þar að auki líður mér eins og ég hafi sofið út. Life is good, life is grand.

Ég held að ég sé að verða veik.

Já...jú, jú þetta getur allveg passað

Your dating personality profile: Liberal - Politics matters to you, and you aren't afraid to share your left-leaning views. You would never be caught voting for a conservative candidate. Funny - You laugh often. People never accuse you of lacking a sense of humor. You don't take yourself too seriously. Big-Hearted - You are a kind and caring person. Your warmth is inviting, and your heart is a wellspring of love.

Your date match profile: Practical - You are drawn to people who are sensible and smart. Flashy, materialistic people turn you off. You appreciate the simpler side of living. Funny - You consider a good sense of humor a major necessity in a date. If his jokes make you laugh, he has won your heart. Intellectual - You seek out intelligence. Idle chit-chat is not what you are after. You prefer your date who can stimulate your mind.

Your Top Ten Traits 1. Liberal 2. Funny 3. Big-Hearted 4. Intellectual 5. Romantic 6. Wealthy/Ambitious 7. Practical 8. Adventurous 9. Sensual 10. Shy

Your Top Ten Match Traits 1. Practical 2. Funny 3. Intellectual 4. Big-Hearted 5. Romantic 6. Adventurous 7. Outgoing 8. Sensual 9. Conservative 10. Traditional

Take the Online Dating Profile Quiz at Dating Diversions

Er hægt að drepa mann með plastflösku?

Við hlið mér situr drengur (á aldur við mig reyndar en drengur samt) og andar, HÁTT. Hann situr þarna með fæturnar uppi á borðinu og námsbækur í kjöltunni og andar. Hann er búinn að anda síðan ég kom.
grrrrr
Og ekki ráðleggja mér að kaupa mér eyrnatappa því þeir tolla ekki, og myndu því bara orsaka frekari pirring.

Great minds...

Hefði ekki getað sagt það betur sjálf!!!

http://www.baggalutur.is/skrif.php

First day back

BOGMAÐUR 22. nóvember - 21. desember
Geta bogmannsins til þess að útskýra fyrir eða kenna ungu fólki þessa dagana er meiri en ella. Hann skilur hvað knýr aðra og kann að höfða til þeirra samkvæmt því. - mbl.is
Eftir daginn í dag get ég sagt með fullri vissu (vissu sem ég hafði reyndar áður) að stjörnuspár eru kjaftæði!!!
Á tímabili hélt ég að ég myndi gefast upp. En ég komst í gegn um daginn að lokum og nú kúri ég undir sæng yfir sjónvarpinu og verð örugglega sofnuð um níuleitið. Mér er illt í fótunum og í bakinu, ég er komin með hálsbólgu allt þetta eftir einn dag.
Stundum velti ég því fyrir mér afhverju ég er að þessu.

Oh well, maður gerir ýmislegt fyrir sjö knús á dag.

I am, I am!!!!

ANNA
A	is for	Astounding
N	is for	Natural
N	is for	Neglected
A	is for	Amazing

What Does Your Name Mean?

Sko!

Afhverju er bara hægt að fá einn lit á gúmmíhönskum á Íslandi???
Tildæmis núna langar mig rosalega í rauða gúmmíhanska, í stíl við maríönnu skálarnar og uppþvottaburstann minn. Síðasta sumar langaði mig í ljósbleika í stíl við blómið sem ég var með í eldhúsinu. Er þetta hægt?
Nei!!
Gulir! Gulir gúmmíhanskar er það eina sem hægt er að fá!

Eins og þið sjáið er ég að byrja á eldhúsinu, vopnuð nýjum gulum gúmmíhönskum. Næst á dagskrá er klósettið, not to worry, ég mun nota aðra hanska þar, en þeir eru reyndar gulir líka.

Komi þeir sem koma vilja...

Á haustdögum áskotnuðust mér tvær undurfagrar, eldrauðar maríönnuskálar, svona sem maður bakar í. Um páskana keypti ég mér ágæta kaffikönnu undir kaffið sem ég keypti í vikunni þar áður Og síðasta sumar eignaðist ég 12 kaffibolla með undirskálum og kökudiska. Það er skemmst frá því að segja þessir ágætu hlutir hafa verið nýttir illa, en nú verður breyting á!
Þetta á sér aðalega 3 ástæður;
nr. 1 Mér skilst að fjölmargir séu búnir í prófum og hafi engan til þess að leika við.
nr. 2 Þó eru enn fleiri sem ekki eru búnir í prófum og hafa þörf fyrir að taka sér pásu öðru hvoru, hvar betra að gera það en í góðra vina hópi (sem lofa að monta sig EKKI of mikið af því að vera búnir í prófum). Einnig þurfa hugsandi heilar þörf á einhverri staðgóðri næringu.
nr. 3 Eftir próflesturinn er íbúðin mín eins og íbúðirnar í "Allt í drasli" og mig vantar ástæðu til að taka til, you see. Ef ég geri þetta ekki svona þá verður það ekki gert.
Málin standa semsagt þannig, á morgun uppúr þrjú, ætla ég að vera búin að taka til. Ef einhver vill koma og sjá afraksturinn (sem er allveg once in a lifetime opportunity) þá á ég kaffi og dót sem ég þarf að koma út.

Ef engin kemur? ja þá á ég hreina íbúð og fer í kringluna, sem er heldur ekki slæmt ;)

let me know!

mbl.is

"BOGMAÐUR 22. nóvember - 21. desember
Skapandi hæfileikar þínir eru áberandi þessa dagana, þú ert líka í stuði fyrir daður og skemmtanir. Þá er ekki úr vegi að stunda partí og blanda geði við aðra."

Ég vissi að ég hefði gert rétt með því að fara út í gærkveldi, sem endaði notlega með því að ég kom ekki heim fyrr en í nótt :)
Þetta var ákaflega skemtilegt en næst þegar ég geri svona, sem verður vonandi sem fyrst, þá ætla ég að passa að borða eitthvað áður en ég fer heim. Ég fór neblega svöng að sofa, vaknaði ennþá svengri en get ekki fengið mér að borða útaf hlussu bíflugu sem hefur sest að í eldhúsinnu mínu, svo ég þori ekki inn. Ég geri fastlega ráð fyrir það þetta gerist aftur, this being summer and all.
Nú þarf ég bara að finna þessa skapandi hæfileika sem þeir eru að tala um, veit ekki hverjir þeir ættu að vera. Og svo kannast ég ekki við að hafa daðrað við nokkurn mann, ekki viljandi a.m.k.

"Fara oft á kaffihús (oft oft oft)"

Starting tonight!

Just in case you didn't know...

Þá vil ég endilega benda ykkur hingað:

(Sérstaklega finnst mér yfirskriftin skemmtileg, en ég hef heldur aldrei verið sérlega lítillát manneskja; ) )

Sumarið 2005

Ég hlakka til sumarsins, því ef undanfarnar vikur eru eitthvað til að fara eftir ( að snjónum í gær undanskildum að sjálfsögðu) þá verður þetta bara ágætt.

Í sumar ætla ég að:
Vera mikið úti
Fara oft á kaffihús (oft oft oft)
Fara í bíó
Nota línuskautana mína
HARRY POTTER
Fara á Litla Brún
Rústa geymslunni og búa til þvottaherbergi (hjáp óskast)
Hugsanlega að leggja parket (hjálp óskast)
Púsla
Laga kannski aðeins til í garðinum
FARA TIL LONDON, ÉG SKAL!!!
Knúsa köttunn minn og lesa fullt af bókum.

Þetta er næstum eins og áramótaheitin í Bridget Jones bókunum. Kannski ég ætti að gera samantekt í lok sumars, svona til að sjá hvernig mér gekk.

Bagværk

Ég bakaði brauð í gær, það var ekki gott. Of mikið af hafra, hollum viðbjóði eitthvað, allavega get ekki klárað það. Þess vegna ætla ég niðrá tjörn á morgun eftir prófið og gefa öndunum það, þær kunna allveg vont að meta.
Ég læt þetta þó ekki stoppa mig, ó nei. Ég ætla að finna fleiri uppskriftir og prófa mig áfram, eina leiðin til að halda eldhúsinu hreinu þ.e.a.s að gera eitthvað í því.
Svo er ég að hugsa um að baka lummur á uppstigningardag, vill einhver koma og fá sér? Seriously, mér leiðist að borða ein.

Yndislegt!!!

" Det ligger så heldigt at formiddagen ligger helt blank for mit vedkommende"

...ég elska þetta tungumál!!!

Ok, ok eg viðurkenni það!

Eins mikið og ég hef nú kvartað og kveinað yfir þessu asnalega námi mínu, sem hefur valdið því að sunnudagar hafa verið ömurlegustu dagar vikunar í allan vetur, virðist það hafa haft áhrif á getu mína og færni í í dönsku, eins og það átti að gera.
Þessu geri ég mér nú grein fyrir þar sem ég sit og horfi á Matador í þrjúhundruðastaogfjórðaskipti til að kikkstarta heilanum fyrir prófin sem ég er að fara í á morgun og hinn.
Ég sem hélt að ég kynni þessa þættu fram og til baka frá byrjun til enda, en nei! Enn eru ófá gullkornin sem ég hef ekki náð að grípa, yhh hvor jeg glæder mig!

Nú er ég rosalega forvitin!!!

Hver svindlaði svona svakalega á prófi í HÍ að maður má vart klóra sér á hökunni fyrir afskiptasömu yfirsetufólki???

Já og...

GLEÐILEGANN FYRSTA MAÍ, ÁGÆTI VERKALÝÐUR ÞESSA LANDS!!!

Tomorrow and tomorrow and tomorrow...

Hitta Fríðu
Eldsmiðjan ( vonandi)
Nýjar gallabuxur
Útborgun
Video

allt þetta EFTIR stórt, þungt 100 % próf kl 13:30

...creeps in this petty pace from day to day...

For the record...

Ég þurfti að gera mér ferð í bankan minn í dag, og sem og aðra daga fór ég fótgangandi. Ég lagði af stað heiman frá mér kl 14:40 og var komin í Landsbanka, Laugarvegsútibú kl 14:53. Þegar ég hafði lokið viðskiptum mínum þar (sem tók u.þ.b 5 mín) hélt ég heim á leið með örstuttu stoppi í bókabúðinni á Hlemmi og var komin hingað upp á hólinn minn kl 15:20.

Bíll smíll!

Predúlur og fúgur

Minn ágæti penna vinur og kórfélagi Holyhills, hélt tónleika í kvöld. Hann hefur haldið því fram nú um nokkurt skeið, að hann kynni á píanó og þótti mér því ástæða til að mæta á staðinn og sannreyna þetta.
Það er skemmst frá því að segja að jú jú, Helgi kann á píanó.

Meira að segja bara afskaplega vel!

Mais oui!

You Belong in Paris

Stylish and a little sassy, you were meant for Paris.

The art, the fashion, the wine, the men!

Whether you're enjoying the cafe life or a beautiful park...

You'll love living in the most chic place on earth


What City Do You Belong in? Take This Quiz :-)


Find the Love of Your Life
(and More Love Quizzes) at Your New Romance.

Pása...

Það er snildar þáttur í sjónvarpinu; How to cook með Deliu Smith (konan sem kenndi bretum að elda). Hún er búin að sýna hvernig maður sýður egg, og núna er hún að kenna okkur að ná skurninni af. Hér sit ég með snúðinn minn, penna og blað og tek glósur.

Ég býð spennt eftir kartöfluþættinum.

Nothing to lose sleep over

Ég veit ekki hvort það var vegna þess að ég setti á mig maskara og fór af stað í prófið í háhæluðum stígvélum, eða kikkið sem ég fékk af því að skrifa með græna glimmerpennanum mínum á bleikt blað, sem olli því að þetta varð ekki svo slæmt. Allavega virtist prófdómarinn sáttur við mig, og þó ég hafi komið titrandi og skjálfandi inn í prófið þá kom ég nokkuð stöðug út.
Til að fagna sjálfri mér, ákvað ég að fá mér göngutúr niðrí bæ og skoða endurnar, því það er mín skoðun að endur séu fyndnustu dýr sköpunarverksins, og svo var svo gott veður að ég nennti ekki heim strax. Sem ég gekk meðfram tjörninni og velti því fyrir mér hvort ég ætti að koma við í búð og kaupa skóáburð og pússa stígvélin mín, fékk ég mjög svo undarlega tilfinningu í hægri fótin. Svona eins og þegar maður missir tönn nema öðru vísi.
Hafði ekki fokkings hællinn hrokkið undan skónum mínum!!!
Þetta þýddi að ég fékk að skakklapast á einum fæti í gegnum allan miðbæinn og heim, í sólinni og góða veðrinu og ólíkt asnalega kærustuparinu sem gekk á eftir mér þá fannst mér þetta ekkert fyndið!! Nú á ég engin stígvél lengur.
Á móti kemur þó að ég þarf ekki að eyða pening í skóáburð.

Próf á morgun

Shit, shit, shit,shit, shit og så videre...

Skrítið

Það grípur mig skyndilega mikil þörf til að þurka af og skúra, merkilegt hvað svona gerist ekki á venjulegum sunnudögum!

Klukkan er 02:08

and this is what Im reading...

"Remember the form of a truth theorem for a proposition:
SVal(true,”John died”) iff John died
Assign the semantic value TRUE to the sentence “John died” if and only if John died.
The semantic value of the sentence “John died” is TRUE if and only if John died
The parallel version for a proper noun would look like this:
SVal(x,”John”) iff x = John
The semantic value of the proper noun “John” is the individual x (in the real world) iff x and the individual John are the same"

Ég er svo mikið nörd (langur aðdragandi, but there is a point)

Ég uppgvötvaði í gærkvöldi að ég hef ekki verið heima hjá mér fyrir miðnætti á fimmtudagskvöldi í fimm vikur. Þetta veit ég vegna þess að ég hef misst af nákvæmlega fimm þáttum af Desperate Housewifes. Þess vegna ákvað ég að fara á netið og lesa mér til um það sem á undan var gengið, því frankly þá var ég allveg lost.
Sem ég sat þarna og fletti fram og til baka, þátt eftir þátt, tók ég eftir dálitlu undarlegu,titlar þáttanna voru voru grunsamlega kunnulegir. Eftir smá stund áttaði ég mig á heiti þáttana eru allt tilvitnanir í lagatexta sem ég þekki vel;

Every day a little death
Children won't listen
Ladies who lunch
ofl...

og þetta eru ekki bara einhver lög, ó nei þetta eru lög úr hinum og þessum söngleikjum eftir hinn margrómaða snilling Stephen Sondheim, one of my favorites!!! Og ég kann þau öll!!!

Já kæru vinir áratuga söngleikja áhugi (obsession) hefur loksins "borgað" sig, I have a gift!!!

Gleðilegt sumar

Mér skilst að skátarnir hafi ekki frosið í hel niðrí bæ eins og venjulega sem er ánægju efni. Ég er samt fegin að ég skyldi hafa tekið forskot á sæluna og fagnað komu sumars á þriðjudaginn, það var líka mun betra veður þá.
Annars er ég að bíða eftir því að fá sumargjöf, skil ekki trassaskapinn í foreldrum mínum að vera ekki löngu komin færandi hendi með sápukúlur eða nýja sumarskó!

Og svo langar mig rosalega í lummur eða pönnukökur með sultu og rjóma eða eitthvað, svona til hátíðarbrigða.

Mér fannst hann líka alltaf svo evil eitthvað...

...nú er ég búin að fatta afhverju!!!

Hvað voru þeir að hugsa????

Originally uploaded by mér.

Ekki nóg með að maðurinn sé afturhaldsseggur dauðans heldur er hann líka svo ljótur að það er varla horfandi á hann!

Nú er vetur úr bæ...

Yndislegt, yndislegt. Ég labbaði til Ömmu í dag og þegar ég hafði sinnt skyldum mínum þar tímdi ég ekki að fara heim svo ég labbaði niður í bæ. Á svona dögum kemur borgarbarnið margfalt upp í mér og mér finnst bærinn minn fallegasti staður í heimi.
Ég ákvað að halda uppá sumardaginn fyrsta aðeins fyrr í ár og fór og fékk mér pulsu á Bæjarinns bestu, settist á bekk og horfði á sjóinn, skipin og Esjuna. Stelpan í Eymundsson var líka komin í sumarskap, búin að lita hárið á sér skærbleikt og alles, allur bærinn virtist vera í góðu skapi.

En sumarið blítt kemur fagurt og frítt...

Mér fannst þetta líka góður dagur til að prófa eitthvað nýtt, svo ég keypti sprite zero, appelsínu og SKYR.IS MEÐ PERUBRAGÐI. Og svo keypti ég líka stærstu agúrku í heimi bara afþví að hún var svo stór, ég og afgreiðslumaðurinn hlógum mikið af henni.

Svo gaman.

...meður fjörgjafarljósinu skæraaaaa!

Trend setter

Það eru greinilega fleiri sem lesa mig en ég gerði ráð fyrir. Ég átti leið um Hagkaup fyrr í dag og ákvað að labba mig framhjá svörtu renndu peysunum sem ég minntist á. Bara skoða notlega, budgettinn rúmar ekki lúksus eins og föt, and what do you know...allt búið! Ég hef greinilega áhrif víða. Kannski ég ætti að gera nánari útlistingu á því sem mig langar í, svona fyrir ykkur þarna úti? Nei annars þá yrði ekkert eftir handa mér.

En sem betur fer voru en til nokkur dömuhjól með körfu. Verð að eignast svoleiðis, so please ekki klára þau líka!

Jæja

próf segiði...

Wimbleton

Afhverju er maður að kvelja sig svona?

Dagskrá kvöldsins

Leigja spólu
Baka tvær kökur
Taka til í eldhúsi
Búa til armband

Mig langar í svarta rennda peysu... já og dömuhjól með körfu og böglabera, bara ef einhver er í gjafmildu stuði.

Ég veit ekki á hvoru ég hef minna álit á, svíum eða miðaldra kellingum sem reyna að stela gervi burburry treflinum manns!

Jú annars, treflaþjófinum! Mér er nefnilega sama um svíana en mér er ekki sama um trefilinn minn.

Jú...

Ég ætla að panta'nn!

Our house, its a very very very nice house...

Ég elska íbúðina mína. Hún er nákvæmlega eins og ég vil hafa hana, nema að ég myndi ekki slá hendinni á móti sturtu. Þessvegna varð ég rosalega sár fyrir hennar hönd þegar maðurinn sem kom að skoða hana í dag sagði að hún væri í sæmilegu ástandi.
Sæmilegu!!! Hún er í fokking brilliant ástandi miðað við að ég bý í henni! ég var meira að segja búin að taka til specially

Annars átti ég brakethrough moment í dag, ég hafði tekið með mér smjör inn í stofu á meðan ég var að borða og nokkru seinna á meðan ég var að horfa á sjónvarpið varð mér litið á smjörið og hugsaði á sem oft áður að ég þyrfti eginlega að fara með það inn í ísskáp. And what do you know, ég stóð upp og fór inn í eldhús með smjörið og setti það inn í ísskáp!!
Nú þyrfti ég bara að gera slíkt hið sama við Freskað mitt.





Mig langar í appelsínu.

Spurning?

Á ég að panta Harry Potter bókina á amazon just in case?

Já, ég vil fá svar!

Oh my god!!!

Ég er online...í þjóðarbókhlöðunni....í minni tölvu. Húrra!!!

Nú þarf ég ekki lengur að standa í röð í tölvuverinu, eða sitja með uppáþrengjandi (yet oh so soft, sweat and cuddly) kött í fanginu í tölvunni heima hjá mér. Yndislegur staður Þjóðarbókhlaðan.
Ég finn mig þó knúna til að biðja ykkur samnemendur mína afsökunnar á nokkrum atriðum; mér þykir mjög leiðinlegt þegar það heyrist hátt í rennilásnum á skólatöskunni þegar ég opna og loka henni, eins þykir mér slæmt hvað ég kjamsa mikið á ópalinu sem ég er að borða. Hljóðin í buxnaskálmunum mínum þegar þær slást saman eru líka ósköp þreytandi, ég veit again I'm sorry. Svo ekki sé minnst á hvað ég slæ fast á lyklaborðið og fletti bókunum mínum hátt.

Ég vil að þið vitið að mér finnst þetta mjög leiðinlegt.

En... þetta hefur ekki áhrif á góða skapið. Ég náði glugga sæti og stóru rúmgóðu borði so I'm bursting with joy!!!

Jesús Kristur!!!

Vesalings börnin

Mary Poppins regnhlif

Mary Poppins regnhlíf
Originally uploaded by mér.

Ég verð að eignast svona, það er svo miklu ódýrara að fljúga á milli staða svona heldur en með flugvél. En til þess að nálgast hana, verð ég fyrst að komast til Londondon.

Mig langar svo í Kók...

Fyrsta vikan var eiginlega ekkert mál, önnur vikan virðist ætla að verða aðeins erfiðari. Sem er óheppilegt því ég þarf aldeilis að halda mér vakandi næstu daga. Þetta ekki ekki svo mikið hausverkur eða líkamleg einkenni, heldur langar mig svo mikið í.

Ég er að hugsa um að drífa mig í fermingarveislu til að hressa mig við. Kannski fer ég jafnvel í rauðu skónum svona til þess að gleðja mig.

.........................

Update:

Þegar ég ákvað að fara í femingarveislu var ég búin að gleyma því að ég virðist vera búin að týna hárburstanum mínum, svo ég greiddi mér með kambnum hans Njáls, I know I know.
Svo var ég líka búin að gleyma að það var risa gat á svörtu nælonsokkabuxunum, og þar sem ég hafði bara tíu mín til að mála mig, greiða mér og allt hitt, makaði ég bara naglalakki á lærið á mér. Það hélt og enginn sá gatið en nú eru sokkabuxurnar fastar við mig
Ég gerði heldur ekki ráð fyrir því að það væri kók í boðinu...see where I´m going with this?

Ég féll! Ég drakk tvö kók glös og þau voru æði, en nú er ég hætt. Lofa.

Vill einhver koma með mér á Downfall???

Æi þetta var nú ósköp sætt

En ég held að ég hafi aldrei séð eins taugaveiklaða brúði.

Ef ég gerði alltaf allt sem ég ætlaði mér að gera, þá væri lífið dásamlegt.


Reyndar...

þó ég gerði bara helmingin af því þá væri það líka dásamlegt.

?

Í gær fann ég kúlu á höfðinu á mér, vinstra megin.

Kannast einhver við að hafa lamið mig í hausinn?

Desperate measures

Ég er ekki en búin að ganga frá sparistellinu hennar Ömmu, síðan úr matarboðinu um daginn. Ég gat ekki ákveðið hvort ég ætti að pakka því aftur niður í kassa, eða koma því fyrir einhverstaðar, ef ske kynni að ég þyrfti að nota það bráðlega. Sem ég var að velta þessu fyrir mér, mundi ég allt í einu eftir tómu hillunni í fataskápnum mínum og ákvað að það væri góður staður fyrir postulín.

Ég er öruglega eina manneskjan á landinu sem geymir stellið sitt í fataskápnum sínum.

But I didn't stop there...Af einskærum ótta við að pabbi minn finni upp á því að siga Möggu hinum megin á mig með kamerurnar til að kenna mér að þrýfa, ákvað ég að grynnka aðeins á dótinu í eldhúsinu mínu. Þannig að núna hef ég bara aðgang að einum disk, tveimur glösum og tveimur settum af hnífapörum, restin fór sömu leið og Ömmustell.

Nú verð ég að vaska upp :D !!!

Ah!!!

Var að sjá mynd af eldhúsi þar sem lítilli og sætri uppþvottavél hafði verið komið inni í skáp (undir vaskinum sko).

Mig langar í svoleiðis!

Ég á einmitt svona skáp sem hefur ekkert að gera, og fullt eldhús af óhreinu leirtaui.

Ég henti peysunni.

Reality check

I had a shity day!

Manstu eftir kúkableyunni sem ég var að vonast eftir? Well, það sinnum 70 var ógeðið sem ég þurfti að díla við í dag og fékk m.a.s að taka með mér sýnishorn heim í poka. Þess vegna fór ég í hræðilegri grænni flíspeysu í kúlustu búð bæjarins, sem var ekki kúl. Mig langar að vera kúl á föstudögum! Svo var mér líka kalt því það blæs í gegn um svona peysur og ég var notla nakin innan undir.

Þetta, samfara því að hafa fengið minna en ég átti von á í laun og lame ass einkun á miðannarprófi gerir það að verkum að ég er í vondu skapi. Svo get ég ekki ákveðið hvort ég á að þvo kúka peysuna eða henda henni bara.

oh woe is me...


Eins gott að ég er að fara í afmæli í kvöld!