Mér tókst það, mér fokking tókst það!

Fyrsta fullorðins matarboðið mitt er í höfn! Og allt fór eins og það átti að fara. þrír réttir, af hverjum ég bar ábyrgð af tveimur.
Ok undirbúningurinn var kannski ekki allveg eins og best var á kosið, eða þannig. Ég viðurkenni fúslega að það var heimskulegt að spúla klósettið af því að ég nennti ekki að ná í tusku, þar sem það er ekkert niðurfall á gólfinu í baðherberginu. Pældi ekki í því fyrr en ég fór að velta því fyrir mér hvð ég ætti að gera vil pollinn á gólfinu (fljótfærnin sko), en þar sem maður er nú vanur stórflóðum gat ég reddað því.
Einnig var óheppilegt að eina peran í stofunni skyldi fara rétt áður enn gestirnir komu, en sem betur fer á ég nóg af kertum svo við sátum ekki í myrkrinu.
Að öðru leiti gekk þetta allt saman upp. Gamla stellið hennar ömmu fékk að sjá dagsins ljós, og guli dúkurinn og páskaungarnir gerðu þetta allt afskaplega hátíðlegt. Maturinn var ætur og vel það og ég fékk að búa til kaffi, sem var stuð. Svo ekki sé minnst á stærstu bestu súkkulaði köku í heimi.

Týbískt samt núna, þegar þetta er allt saman búið, er þáttur í sjónvarpinu sem heitir "How to throw a dinner party"
Þar er öruglega talað um hvernig á að þrýfa klósett.