Yndislegt, yndislegt. Ég labbaði til Ömmu í dag og þegar ég hafði sinnt skyldum mínum þar tímdi ég ekki að fara heim svo ég labbaði niður í bæ. Á svona dögum kemur borgarbarnið margfalt upp í mér og mér finnst bærinn minn fallegasti staður í heimi.
Ég ákvað að halda uppá sumardaginn fyrsta aðeins fyrr í ár og fór og fékk mér pulsu á Bæjarinns bestu, settist á bekk og horfði á sjóinn, skipin og Esjuna. Stelpan í Eymundsson var líka komin í sumarskap, búin að lita hárið á sér skærbleikt og alles, allur bærinn virtist vera í góðu skapi.
En sumarið blítt kemur fagurt og frítt...
Mér fannst þetta líka góður dagur til að prófa eitthvað nýtt, svo ég keypti sprite zero, appelsínu og SKYR.IS MEÐ PERUBRAGÐI. Og svo keypti ég líka stærstu agúrku í heimi bara afþví að hún var svo stór, ég og afgreiðslumaðurinn hlógum mikið af henni.
Svo gaman.
...meður fjörgjafarljósinu skæraaaaa!
Gerast áskrifandi að:
Birta ummæli (Atom)
7 ummæli:
Gott að þú ert í svona jákvæðu skapi
Já það er gaman. Verst bara að það kemur í veg fyrir að ég læri nokkurn skapaðan hlut.
bærinn þinn? bærinn þinn?!! hvaðan ertu? sauðárkróki
louie
Ég var að reyna að vera rómantísk, "borgin mín" var bara ekki að virka.
En gaman að lesa jákvæð blogg...ekki mikið um þau á þessum tíma. Yndislegt veður í dag - maður gat spjallað úti án þess að krókna úr kulda og það er sko framför :)
Ummm já yndislegt veður!! Ég mætti einmitt nokkrum HRingum fyrir utan kringuluna í sólbaði að drekka bjór í gær!!
Geeeiiiisp. Ég er ekki svona jákvæð og er bara í ruglinu.
En ég elska samt BORGINA MÍNA. Fallegasta borg í heimi.
Skrifa ummæli