Nei enga svona vitleysu Anna, beint inn i skáp!!!

Já gullkornin halda áfram að hrynja af vörum föður míns.

Sumarið 2005

Faðir minn og einkabílstjóri tilkynnti mér í gær upp úr einsmannshljóði að hann væri hættur að ferðast með mér til útlanda, og ég sem hélt að ég væri svo skemmtilegur ferðafélagi. Ástæðan fyrir þessari ákvörðun var orðuð nákvæmlega svona

"þú ert orðin of gömul til að hanga í pilsfaldinum á pabba þínum endalaust"

Ég veit! pabbi minn í pilsi! ugh!
En allavega eru ferðaplön mín fyrir 2005 í uppnámi. Ég ætla neblega til London í lok júlí að sækja nýju Harry Potter bókina og núna vantar mig ferðafélaga. Hver vill koma með??
Ég er afskaplega þægileg á ferðalögum, get látið lítið fara fyrir mér og hef áræðanlegar heimildir fyrir því að vera voðalega skemtileg!!. Auk þess er ég heimavön í London, tala góða ensku, frábær guide og þess háttar. Get útvegað meðmæli ef þess er óskað.
Kröfur mínar eru ekki miklar, mig vantar aðalega einhvern til að borða með af því mér finnst svo leiðinlegt að borða ein. Annars þarf ekki að hafa mikið fyrir mér.

Djóóóók!!!!

Ég er ekkert í símaskránni! Þetta útskýrir ansi margt.

Út er komin bókin...

Warning!!! the following post is not politically correct and might offend some readers.

Einu sinni sem oftar á miðvikudagskvöldi sat ég (einstæðingurinn) heima og horfði á sjónvarpið. Vill þá svo til að sá "öndvegis þáttur" Oprah fer að renna yfir skjáinn. Þar var verið að kynna bókina 'He's not that into you' eftir eithvað fólk í Ameríkunni. Þassi bók fjallar um hugar heim karlamanna þegar kemur að ástarsamböndum og þessháttar.
Daginn eftir birtist stutt kynning á þessari sömu bók í Fréttablaðinu:

" Í bókinni er farið rækilega yfir samskipti kynjanna og hvernig má lesa í hegðun karlmanna þegar fólk er að kynnast"

Sem sagt náttúrulífsbók um karlmenn, einmitt það sem mig vantaði.
Meðfylgjandi var svo listi, og afþví að ég hef áður birt leiðbeiningar um það hvarnig stelpur flörta við mikinn fögnuð ætla ég einnig að stela þessum lista (commentin eru frá mér komin).

Aaaand I quote;

1. Ef hann er virkilega spenntur fyrir þér þá býður hann þér á deit. (feimni og óframfærni virðast ekki tekin gild og geri ég því ráð fyrir að svoleiðis fyrirfinnist ekki í hugarheimi karlsins)
2. Ef hann er skotinn í þér hringir henn eða sendir sms. (cool, ég er í símaskránni)
3. Ef hann er skotinn í þér langar hann að fara í sleik við þig. (en ekki hvað?)
4. Hann er ekki skotinn í þér, (ég endurtek ekki skotinn í þér ) ef hann vill bara hitta þig þegar hann er fullur.
5. Hann er ekki sérlega spenntur fyrir þér fyrir þér ef hann hættir með þér. (óóó.. og ég sem hélt að...)

Ok ég verð að viðurkenna að þetta er svolítið brútal en á sama tíma einfaldar þetta lífið til muna (ég hélt samt ekki að þið væruð svona einfaldir greyin mín). Boðskapurinn virðist vera sá að það er allveg sama hvað kvenndýrið gerir if he's not into you he's not into you, svo það er best að reyna sem minnst.

Og þar hafið þið það, þið þarna karlmenn. Við bíðum...

Vinna

Sjö knús á dag koma skapinu í lag.

JC (not jesus christ)

Ok núna er Jim Carey hjá Oprah (í, á, með...whatever) og hann er ekki sætur. Fyrir þessu gætu verið tvær ástæður;

1. Hann er ekki nógu scruffy eins og í myndinni
2. Ég er að horfa á þáttinn ruglaðann.

Dramatíkin, gleðin, spennan, pallíeturnar, tónlistin, rifrildin, metnaðurinn, the highs and the lows, stökkin og föllin, Nikky og Chris, loðfeldir og semalíusteinar.
Já skauta seasonið er byrjað!

(verst að ég þarf að vinna á morgun)

Í morgun tókst mér að ná strætó á réttum tíma. Klapp fyrir mér!

Dæs

Mikið er annars gott að eiga pabba sem kann að eld, ég er södd. Sem kemur málinu svosem ekkert við.
Eftir þessa helgi er ég lurkum lamin bæði á sál og líkama. Sálin þó óðum að ná sér og restin með (fyrir utan tvo marbletti og aumt hné).
En hef ég þó lært nokkuð;

• Adrenalín er ágætis vímugjafi,
  
• ég er ekki góður dansari (sem skiptir ekki máli þegar maður er í vímu)
  
• það borgar sig ekki að reyna að vera góður nágranni.
  

Vildi bara deila þessu með ykkur.

Herra minn trúr!

Ég er búin að fatta afhverju ég er alltaf að fá svona dónaleg bréf og auglýsingar á hotmail adressuna mína!
Þegar ég valdi mér nafn seint um kvöld í miðasölunni í Loftkastalanum fyrir fjórum árum síðan þótti mér ótrúlega sniðugt að blanda saman nöfnunum mínum í eitt og úr því varð anos33@hotmail.com.
Anos, anos!! ég var svo lítil og saklaus að ég sá ekki hverslags ónefni þetta er, það þarf bara að skipta út einum staf og þá erum við komin með allt annað og verra orð! Og síðan mín, aumingja verslings síðan mín að þurfa að bera þetta óefni, hvurslags fólk skyldi koma inn á þessa síðu *hrollur*.

Í gær

Ég var bara í vondu skapi og lyklaborðið lá svona djöfull vel við höggi, ekkert persónulegt. Bygons

Púst

klxjfæierntlitkjæfkrhjwerktgivjekrðpolqkv pwaiæljsrkmofljkgnæ ebtjærhnmt lfkj ernælt.tfkmnæekrjælkjt ælekrjt lækerjt´lzksjxdjk.xjkgkntjkg.ofejkjoqjerw´lkjgnældkfjgmesk lrt,jnfgfælvkv,jdfm´hnbæjætnjgfnælvjkhjejoprgik,jn..dkljgfgjkhbosljr gilfkgj´osldfj´43905u6ti rkdftg0oierjt9uh3 4oiergjrkdfææoslgjkujkas´poeræojt+apolkjf´9rui´rkejghpifdjeæoirgdaopre+qae rjgpoifdut94utsfjdgæifufgjdhgoi 5uejqr9iu5r943airutáqrtuiikreuu0t8ojierijgoearuihfg eo rugfhoirhgf orihfæzkjsdhn fvkujgfdættogktgizriafbiohj dfjkjdzvkjgvdgzm.

Eternal sunshine of the spotless mind

Djöfull er Jim Carrey sætur, afhverju hef ég aldrei tekið eftir þessu áður?!

Ái

Hver sagði að maður þyrfti áfengi til að haga sér eins og fífl?

OJ

Ég ætla aldrei að elda aftur!! Eldhúsið mitt er ógeðslegt.

Til hamingju með daginn bændur

Í tilefni af deginnum ætla ég að fara og skemmta mér með bóndunum mínum og bóndakonum (þ.e.a.s kórnum enn og aftur. Við þurfum að hristast "betur" saman fyrir stóru tónleikana.

Já þið lásuð rétt, auglýsingarherferðin og böggið er að hefjast!! You have been warned.

Í dag er 20. janúar!!!

Batnandi mönnum...

Ég eldaði!!

Þrátt fyrir mikið kvart og kvein á opinberum vetvangi hefur enginn boðið mér í mat, og bbc food hefur ekki alveg verið að gera sig upp á síðkastið. Svo ég ákvað að elda, sjálf.
Ég eldaði plokkfisk.
Þökk sé matreiðslu bókinni sem ég fékk í afmælisgjöf sauð ég ýsu og kartöflur, steikti lauk og BAKAÐI UPP SÓSU (ég var að læra hvað það heitir). Því miður fattaði ég ekki að uppskriftin í bókinnni er miðuð við fimm manna fjölskyldu en ekki einstæðing* í hlíðunum þannig að ef þið eruð svöng þá vitiði hvert þið eigið að koma.

Nú vantar mig bara einhvern til að vaska upp.

*(skv tryggingarstofnum er ég einstæðingur afþví að ég á hvorki mann né börn og Njáll flokkast víst ekki sem fjölskylda, sem er náttúrulega fáránlegt !).

Lots of love

Ég sagði að okkur þykir vænt hvort um annað

Mynd

Nota bene ég er ekki þarna á meðal, ég var að dansa vals.

Þu getur gert það inn a baaðii...

Jábs minns er þráðlaus (en þið vissuð það kannski). Mjallhvít er afskaplega sátt við að losna við draslið úr rassinum á sér og ég nýt þess að ganga um gólf án þess að eiga það á hættu að detta á hausinn.
Af því tilefni býð ég nú til sölu (pínulítið úrelt en þó fullkomlega nothæft) móderm. Um er að ræða svartann kassa með gulum og apelsínugulum ljósum u.þ.b 20 cm á breidd og lengd. Meira veit ég ekki um það en það hefur þjónað mér vel síðastliðið ár svo þið verðið bara að koma að skoða.

Á komandi dögum mun ég auglýsa fleira, ýmist til sölu eða gefins, so keap an eye out.

...þú getur gert það hvar sem eeeer.

Ég vildi að ég gæti sagt að þetta kæmi mér á óvart

You are Sloth!
Lazy huh ?? You're a bit slow in getting going -
and tend not to do anything unless it is
absolutely necessary. You'd rather sit around,
watch TV/Sleep then go out and about with
friends, or take part in a sporting event. On
the positive side, you tend to be quite smart,
as you spend a lot of time watching the News
(!!) or on the computer, Also by conserving
your energy, it's right there waiting for you
when it's vitally important to get going.
Consider possibly moving out of the room once in a
while - and perhaps once a week trade watching
TV for half an hour with a walk - and you'll be
back on track.
However, Congratulations on being the most
intelligent of the 7 deadly sins...


?? Which Of The Seven Deadly Sins Are You ??
brought to you by Quizilla

Skálholt 2005

Niðurstöður helgarinnar:

• Æfingarbúðir ERU þess virði að hætta lífi sínu fyrir
• maður á ekki að pakka á 10 mín
• KFC er góður matur, sérstaklega á Selfossi
• Það er gaman að vinna
• tannbursti er lífsnauðsynlegur
• varasalvi líka
• Það er gaman að syngja við matarborðið
• jólaseíur eru til margs nýtilegar
• ég er skemtileg
• Strumparnir eru snild
• Litli ljóti tenórinn er tímamóta verk
• maður getur orðið góður á jójó ef maður æfir sig
• agúrkur í gini eru viðbjóður
• fullur kór er sætur kór
• það er ógeðslega gaman að dansa vals
• líka að syngja með gítar
• og með píanó
• það er ekki hægt að vera á mörgum stöðum í einu (því miður)
• Ég þarf að sjá When Harry met Sally
• og Muriels wedding
• tær eru ógeð
• Pepsi Max bætir hressir og kætir
• ég hef gaman að óförum annara (sem er ljótt ég veit það)
• Vínber eru góð kl sex um morgunin
• en ekki þegar maður er of þreyttur til að opna pakkann
• það er gaman að láta syngja til sín
• 10 tíma svefn yfir heila helgi er ekki nóg
• og þá verður maður ekki sætur (sérstaklega ekki þegar maður hefur gleymt öllu málingardótinu sínu heima, takk fyrir lánið stelpur)
• en mikið óskaplega er gott að komast aftur heim til sín.

There I've said it...

Ég er heigull, vinsamlegast hafið það í huga í öllum ykkar samskiptum við mig.

Áhugaverð helgi

Það bar svo við þessa helgi að þegar ég reis úr rekkju minni og hóf morgun verkin uppgvötvaði ég að hárburstinn minn var týndur. Eftir að hafa leitað svolitla stund brá ég á það ráð að labba mig til Ömmu og greiða mér þar, en ákvað um leið að kominn væri tími á allsherjar tiltekt.
Ég er semsagt búin að vera að dunda mér við það þessa helgi. Við þetta uppgvötvaði ég tvennt (eitt gott og eitt slæmt):

1. Ég þoli allveg ótrúlega mikið af drasli, ryki og skít í kring um mig sem er ekki gott (vinsamlega komið í heimsókn sem oftast svo mér takist að halda hreinu)

2. Það er miklu skemmtilegra að taka til í rauðum háhæluðum skóm, heldur en ekki.

Vei

Var að fatta að 20. jan er eftir tíu daga. Gleði

Verst að skórnir kunna ekki að elda.

meiri matur

Annað gott ráð þegar maður kann ekki að elda og er komin með leið á ristuðu brauði (og BBC food bregst manni) er að glugga í matreiðslubækur meðan maður borðar. Ég var einmit að lesa í bókinni cold dishes meðan ég borðaði skyrið mitt og namm. Ég vissi ekki að íslenskur matur liti svona vel út, síldarsalöt, lambalæri og plokkfiskur voru meðal þess sem vöktu athygli mína. Það versta er að núna langar mig svo rosalega í pönnukökur með jarðaberja sultu og rjóma, langt síðan ég hef fengið svoleiðis.

Happilly ever after

Ég er komin með svo mikla leið á að það sé stungið undan mér að ég sá mér þann kost vænstan að drífa bara í þessu. Ég gerði mér því ferð í búðinna, brá fyrir mér nokkrum ný lærðum daðurs tökktum ( nánar tiltekið nr 1, 11 og 13) og þegar mér var svarað með dansi fór ég með þá að búðar borðinu og borgaði. Ég er mjög hamingjusöm og brá meira að segja út af vananum og tók þá með mér í fjölskyldu boð. Það gekk svo glimrandi vel að ég held að við munum eiga bjarta framtíð saman. Ég, þeir og Njáll.

Í dag...

Eiga margir afmæli, til hamingju með það

Matur

Ég er alltaf að sjá betur og betur hvurslag gargandi snild BBC food er. Nú kann ég ekki að elda ( eða kann það allveg ég elda bara vondan mat og svo þori ég ekki að kveikja á eldavélinni eftir skakkaföll jólanna) Allavega. BBC food hefur gert það að verkum að ég þarf þess ekki. Núna sit ég bara með ristað brauð eða skyr og horfi á allann góða matinn og þykist vera að borða hann. Núna er tildæmis verið að elda nautasteik.

Ég er ástfangin

Ég vildi ekki segja neitt strax en ég stenst ekki freistinguna. Ég sá hann í gær og ég vissi strax að hann væri ætlaður mér. Mig dreymdi hann í nótt og get ekki gleymt honum.
Hann er rauður og nettur, með háum hæl og mjórri tá. Það besta er að hann á bróður og saman kosta þeir 2990 í skóbúðinni í Sautján.

Verst hvað ég er treg við að borga.

Fann þetta á netinu

Svona daðra stelpur
1.Hún nær augnakontakti og brosir til þín.
2.Hún slær þig mjúklega á öxlina og hlær þegar þú segir ekkað fyndið.
3.Hún snýr upp á hárið þegar hún talar við þig.
4.Hún snertir hendina þína þegar hún talar við þig.
5.Hún segir,"Nei, Ég segi þér ekki hverjum ég er hrifin af!" með stóru brosi.
6.Hún spyr hverjum þú ert hrifin af eða hverjum þú myndir fara út með einhvern áhuga.
7.Þegar þú ferð í bíó með hóp af vinum þínum og hún situr næstum alltaf við hliðin á þér.
8.Hún gagngrýnir stelpurnar sem þú verður hrifin af.
9.Þú sérð að hún er að glápa á þig.
10.She plays with your hair or tries to put make up on you.
11.Vinir hennar fyrir utan skólann og fyrir innan skólann vita af þér, og segja að hún tali mikið um þig.
12.Hún veit símanúmerið þitt og heimilisfangið.
13.Hún reynir að tala og vera með þér eins mikið og hægt er

Ok þetta kemur mér svosem ekkert á óvart, seen it in action og svona ( nema kannski nr 6, 8 og 10) en það sem mig langar að vita er... hvað í andskotanum gera strákar?

Í dag var ég dugleg

Ég fór neblega að versla og keypti mér föt. Ég keypti 3 peysur (grá, dökkgrá og svört) og græna leðurhanska *gleði gleði*.
Break thrugh? I think so. Peysur eru erfiðastar og mér tókst að kaupa 3 á einu bretti. En þegar ég hugsa um það hef ég verið voða dugleg að kaupa mér föt síðan í haust, veit ekki hvað er að mér. Kannski mun kvikna í fataskápnum mínum bráðum svo mér hefnist fyrir.

En það merkilegasta í þessu öllu er að það voru útsölur!

Útsölur = fullt af fólki , hávær tónlist, óregla, hiti og panik

Og mér tókst að halda kúlinu í gegnum þetta alltsaman. Venjulega hleyp ég út eins hratt og ég mögulega kemst en í dag hafði ég mér til fulltingis(eða þingis) shoping systurnar góðu og með hjálp þeirra komst ég lifandi í gegn.
Merkilegur heimur samt, búðir. Mér finnst alltaf á fólkinu sem vinnur þar að þetta sé í rauninni það sem lífið gengur út á og að síddin á gallabuxum séu í raun grundvöllurinn fyrir lífi á jörðinni. Mér sósíallistanum þykkir þetta alltaf dáldið, svona á skjön við heiminn. Ekki misskilja mig mér þykja föt ákaflega skemtileg ( ég get bara ekki keypt þau) en ég fatta ekki búðirnar. Mig vantar eiginlega svona professional shopper, þá þyrfti ég ekki að hugsa um þetta.
But eníveis, ég ætla að setja á mig grænu hanskana og horfa á alias, ég á neblega ekkert sem passar við þá.
*dæs* ég er svo dugleg :)

Úúúú gleymdi...

Nei annars, gleymdi því ekki, var meira svona að uppgvötva þetta aftur. Ég fékk neblega verkfæra kassa í jólagjöf, svona alvöru fullorðins grænann kassa með alskonar töngum og skrúfjárnum og svoleiðis. Málið er að ég hef ekkert þurft að nota svona græjur síðan ég fékk hann svo ég hef ekkert skoðað þetta almennilega, fyrr en í gær. Í gær keypti ég mér skáp og þegar ég kom með hann heim þurfti að mæla hann ( já ég veit maður á að mæla ÁÐUR en maður kaupir) og þá opnaði ég kassann því ég vissi að þar leyndist málband.
En vá það er svo miklu, miklu meira. Boj ó boj það er allt í þessum kassa; skrúfjárn með alskonar hausum, hamar, sexkanntar, svona stálhringir sem ég veit eki til hvers eru, stór töng og lítil töng, töng sem getur minnkað og töng sem getur stækkað, þjöl, málband og...dúkahnífur!!!. Þetta er æði og ég er strax farin að skipurleggja framkvæmdir sumarsins. Ég er svo spennt að ég gæti jafnvel byrjað strax í páskafríinu, húrra!!!
Í tilefni af því er ég að byrja að safna flísum, ef einhver á gamlar físar (allveg sama hvernig (litur, stærð, áferð) eða veit um einhvern sem á svoleiðis og vill losna við þær skal ég alveg nota þær.

Gratinerið ysa i mexico sosu (i pakka)

Innihaldslýsing:
Ostur (Varla sjáanlegur)
Sósa (Fullt..fullt fullt fullt)
Kartöflur ( mestalagi 1/2 smátt skorin)
Fiskur (leitaði og leitaði en fann ekki örðu)

Yes reality is begining to sink in

visindi tvö

Drengir eru þrek meiri en stúlkur (lesist með norðlenska hreimnum hennar Margrétar Pálu)

Visindi

Ástin hefur sömu árhif á heilan og kókaín. Hvort skyldi vera auðveldara að nálgast ?.

Aumingja vesalings eldhúsið mitt að eiga svona vonda húsmóður, og aumingja verslings ég að elda svona vondan mat.

Fokk

Ákvað að breyta til í tilefni að nýa árinu sem er fínt en í kjölfarið duttu út öll kommentin mín og þessir fáu linkar mínir. Málið er að ég var fárveik ( 39 stiga hiti og röfl )þegar mér var kennt að gera svoleiðis og núna man ég ekkert hvernig þetta er gert. Nennir ekki uhm "einhver" að kíkja í heimsókn bráðlega og sýna mér þetta aftur.
Já og reynið nú að vera soldið fyndin og skemtileg svo þetta sé ekki allveg svona bert.

Áramótaheit?

Ég hefði haldið að það væri augljóst.

WHAT!? ENGAR BRENNUR!!!

Bumm bumm bumm

Flugeldar, hvað þarf ég að segja meira?
Það eina sem gæti gert gamlárskvöld skemtilegra er einhver myndi gefa mér pakka. (reyndar vantar mig stjörnuljós fyrir
kvöldið ef einhver er aflögu fær). Og svo fæ ég hamborgahrygg namm.
Enga væmni, engar áhyggjur, engar fortíðarpælingar yfir því hvað árið var mishepnað því nú er það liðið og aldrei það kemur til baka.
Bara sprengjur og brennur og matur (og kannski partí)

Sem sagt: Gleðilegan sprengidag kæru vinir nær og fjær, búmm búmm búmmm.

Af því að ég hef aldrei átt svona...

og afþví hann er eitthvað svo yndislegur

og svo ég finni hann aftur

http://www.upsaid.com/afi/

Æfingin skapar meistaran sagði einhver. Rétt í þessu var ég að horfa á LITLA stelpu í skelfilegum bleikum kjól spila á píanó í Eurivision Young Musicians 2004. Ég er viss um að hún hefur brotið eithvert náttúrulögmál, verkið sem hún spilaði var geðveikt flókið, hún spilaði það brjálæðislega hratt OG hún hitti á hverja einustu nótu! (ég þarf væntanlega ekki að taka það fram að hún spilaði með báðum höndum sem mér persónulega þykir gífurlegur hæfileiki).
Kannski ég ætti að labba mig niður með Piano for dummies bókina mína, svona rétt til að koma krakkanum af stað.

Ég held að ég verði að endurskoða framtíðarplön mín um að senda börnin mín í píanótíma. RITSKOÐAÐ fékk RITSKOÐAÐ í jólagjöf og er búinn að vera að glamra á það í hálftíma, sama lagið og alltaf sömu mistökin. Úff ég er eitthvað svo óuppeldisvæn þessa daganna.

Vill einhver bjóða mér til London, ég held að ég sé komin í fráhvarf.

Jólin mín

Æ já mikið óskaplega sést það vel á síðustu færslu hvað heilinn á mér er í miklu mauki þessa daganna. Og ekki skánaði það á aðfangadag þegar ég var eins og slefandi hálfviti að deila út pökkum, og þykir mér mesta mildi að allir pakkar komust til réttra eigenda. En jólin voru haldin í ró og spekt, maturinn æði og heimtur góðar. Ég hef ákveðið að skrifa svona lista aftur á næsta ári þar og auglýsa hann betur því ég var mjög ánægð með útkomuna.

Takk fyrir mig.

Í gær gerðist einnig sá merki atburður að ég fór í kirkju, en það hef ég aldrei gert um jólin. Það kom þó ekki til af góðu þar sem meiri hluti kórsins er utanaf landi lenti það á okkur borgar börnunum að borga leiguna. Ég ætla ekki að fara nánar út í það af ótta við að móðga einhvern ( svo nenni ég því heldur ekki) en get sagt að við stóðum okkur vel sem endranær þó ég hafi aldrei verið eins utanvið mig á tónleikum eins og þarna. Vona bara að það hafi ekki verið mjög áberandi.

æjæjæj

Ég er búin að vera í fílu í vikunni, fílu sem náði hámarki í gær þegar ég var næstum stungin af úr vinnunni í eftirmiðdaginn, urraði á samstarfsfólk mitt og öskraði á börnin. Þetta varð svo slæmt að yfirmaðurinn minn mútaði mér með fríi fyrir hádegi í morgun og eins miklu súkulaði og ég gat í mig látið. Hún fékk neblega soldið sjokk af því hún hefur aldrei séð mig svona áður.
Eftir vinnu fór ég svo á kóræfingu og pirraðist út í alla í kringum mig, sérstaklega jólalögin þar á eftir drattaðist ég seint og um síðir í kór partí, sem ég gafst upp á eftir tvo tíma og fór heim. Á leiðinni út hitti ég Kalla kórfélaga sem hafði sérstaklega orð á því að ég væri eithvað svo döpur, þá var ég nærri því búin að kasta mér grenjandi um hálsin á honum. En, þar sem ég kann mig hraðaði ég mér út í leigubíl og grét þar, nei, nei þetta var nú ekki svo slæmt. Ég var samt nærri farin að grenja þegar ég datt í hálkuni í morgun alein í myrkrinu og tognaði í lærinu.
Ég er semsagt draghölt svo í staðin fyrir að fara og syngja með kórnum mínum á Laugarveginum, fór ég heim að pakka inn jólagjöfum. Það var samt ekki svo slæmt því ég hef eiginlega ekki getað slakað á heima allan mánuðinn sem er sjálfsagt ástæðan fyrir fílunni. En ég saknaði krakkanna og mig vantar svo einn dag í viðbót fyrir Þorláksmessu.
En ég hef lært af reynslunni, ég ætla aldrei, aldrei, aldrei aftur að vinna í kring um jólin.

fyndið þegar maður gleymir að það eru bara 24 tímar í sólahringnum, be kind to me.

Mmmm ég er að baka rúsínu kökur og á morgun fer ég að kaupa jóla tré, ég vissi að þetta myndi koma að lokum.

9 dagar til jóla (nett frekju og bjartsýniskast)

Ég er búin að taka út dót sem er ekki séns að ég fái ( skildi þó eftir smá sem eru littlar líkur á að ég fái bara til gamans) og vakti frekar athygli á jólagjafa vænni hlutum.

The new and improved

List

Hversdags boli
Peysur, flottar
Skó, 38 þrep
Svarta kápu
Lök, Húsgagnahöllin
Flotta eyrnalokka sem lafa
Tvenna kodda úr Ikea
Djamm boli
Svartan frakka
Lampa undir súð, Debenhams
Gullfisk í kúlu
Spariföt
Myndavél, digital
Húfu, svarta
Flotta boli
Ullarsokka
Kaffikanna af skólavörðustígnum
Svarta flíspeysu 66*
Buxur og dót úr GAP fyrir svona 100 þús. kall
Vettlinga, bunch
Almennilega vigt í eldhúsið,gammeldags
Rusl í svefnherbergi
Brúna lobapeysu
Verkfærakassa
Dansk/ísl. Orðabók
Ísl/danska orðabók
Rúmteppi (hvítt) IKEA
Nýja vekjaraklukku
Bækur,bækur,bækur
Svarta skó úr hagkaup
Svart pils
Svarta cardigan
Spari veski, sem glitrar
Hjól
Píanistinn
Nýdönsk og sinfó CD

( Sérðu hvernig árhif þú hefur á mig Louísa)

Afmæli: status report

Fínn afmælisdagur
Afmælis kveðjur: 12 v.g
Afmælis kveðjur sem ég bjóst ekki við: 4 (personal best)
Afmælis máltíð:1
Afmælis kaka:1
Afmælis gjafir: 2
Jólakort: 1
Húsabruni í miðbænum:1
Klippingar: 1
Skór keyptir: 0 :(
Brotnar ömmur: 1*
Tannlausar ömmur: 1*
Tíndur köttur: 1*
Fundin köttur:1*

Lessons learned:
Taka kalk,
bursta tennurnar og fara reglulega til tannlæknis,
eldur og timburhús fara ekki saman,
gjafir eru ÆÐI,
afmæliskveðjur ennþá betri,
alltaf, alltaf, alltaf leita fyrst inni í skáp

* sami kötturinn, tvær ólíkar ömmur

13. desember

Happí börþdei tú mí
happí börþdei tú mí
happí börþdei tú míhí
happí börþdei tú mí

Bara VIKA i afmæli!!!!

Mitt sko, og í tilefni að því, I give you...

*drumrol*

THE LIST:

Hversdags boli
Peysur, flottar
Skó, 38 þrep
Svarta kápu
Uppþvottavél
Lök, Húsgagnahöllin
Flotta eyrnalokka sem lafa
Tvenna kodda úr Ikea
Djamm boli
Svartan frakka
Allskonar sokkabuxur
Lampa undir súð, Debenhams
Gullfisk í kúlu
Spariföt
Myndavél, digital
Húfu, svarta
Flotta boli
Bókahillu fyrir svefnherbergi
Ullarsokka
Kaffikanna af skólavörðustígnum
Svarta flíspeysu 66*
Buxur og dót úr GAP fyrir svona 100 þús. kall
Vettlinga, bunch
Almennilega vigt í eldhúsið, gammeldags
Rusl í svefnherbergi
Brúna lobapeysu
Verkfærakassa
Dansk/ísl. Orðabók
Ísl/danska orðabók
Rúmteppi (hvítt) IKEA
Nýja vekjaraklukku
Bækur,bækur,bækur
Svarta skó úr hagkaup
Svart pils
Svarta cardigan
Hálsmen
Spari veski, sem glitrar
Hjól
Píanistinn
Nýdönsk og sinfó DVD eða CD
Pils
Bækur, bækur, bækur

En svona realistically, þá væri líka bara gaman ef einhver myndi eftir því :)

Koktelboð

Háskólakórnum var boðið að syngja í jólaboði Rektors, ég fór að sjálfsögðu með litlu fyllibyttunum mínum og söng og þáði veitingar. Ég er samt ekki viss um að okkur verði boðið aftur á næsta ári.

Desember

Er tími kertaljósa, baksturs, prófa, partía, Laugarvegarins, jólaljósa, afmælis, bóka, jóla og gjafa, já gjafa. Nú vill svo til að ég á afmæli í desember, nánar tiltekið þann 13. Þetta hefur haft í för með sér gífurlegt gjafaflóð í desember eins lengi og ég man eftir mér. Reyndar hefur það minnkað þó nokkuð síðustu ár og þykir mér það ákaflega leiðinlegt því ég hef ákaflega gaman af því að fá pakka sérstaklega fallega pakka.

Frekja? kannski, en mér finnst líka gaman að gefa pakka og pakka þeim inn svo ég vil meina að þetta vegi upp á móti hvort öðru.

Það er samt erfit að gefa vel hepnaðar gjafir, mér tekst það ákaflega sjaldan en þegar það tekst er það miklu skemtilegra. Þess vegna hef ég ákveðið að setja hér inn lista yfir allt sem mig langar í (í heiminum). Ég ætlast að sjálfsögðu ekki til þess að mér verði gefið allt á þessum lista, það gæti orðið soldið erfitt þar sem hann er laaangur, en hann er frekar hugsaður til þess að gefa hugmynd um það sem mig vantar og langar í og hvernig ég er.

Frekja? kannski, en það er miklu skemtilegra að eyða peningunum sínum í eithvað sem virkilega kemur að gagni og þar sem ég hef hef síðustu á ár haft yfir umsjón með jólagjafainnkaupum tveggja heimila veit ég að það er oft hund erfitt að láta sér detta eithvað skemtilegt í hug, sem getur gert innkaupin ákaflega stressandi. Þess vegna er ákaflega sniðugt að vera bara með lista yfir það sem viðkomandi langar í og þá getur maður frekar einbeit sér að því sem virkilega skiptir máli í jóla innkaupunum þ.e.a.s. jólaljós, heitt kakó og vöflur með rjóma.

Sjáiði, ég er að gera þetta allt fyrir ykkur elskurnar og ykkur er að sjálfsögðu frjálst að létta mér lífið í desember og henda inn óskalistunum ykkar hér fyrir ofan.
Annars var ég að hugsa um að gera alla að heimsforeldrum og þá geta allir gefið og þegið á sama tíma, sem er að sjálfsögðu hinn sanni andi jólanna.

1. des

Eins og góðum háskólaborgara sæmir hélt ég upp á fullveldisdaginn með því að vera í fríi. Eftir að hafa sofið út fór ég á þjóðminjasafnið og fór svo og söng fyrir núverandi og fyrrverandi forseta og borgarstjóra, afskaplega þjóðrækin.
Bíddu gera þetta ekki allir ?
Nei ?
En svona í alvöru, eftir allt þetta fór ég bara heim að sofa.

hmmm

Ég hefði kannski átt að athuga útvarpsdagskrána áður enn ég fór að monta mig. Ég veit semsagt ekkert hvar eða hvenær þessir tónleikar eru í útvarpinu, veit bara hvenær ég á að mæta.

...þvi við erum buin að meikaðaaaa...

Kórinn minn (og ég) ætlar að syngja í Neskirkju á morgun á aðventu tónleikum sem verður útvarpað á gufunni kl 17. Við vorum auglýst í útvarpinu og allt!!!
Persónulega er mér nokk sama hvað við gerum og fyrir hvern ef ég bara fæ að vera með, því þau eru svo frábær og yndisleg og skemtileg :)
en allavega gamlar Ömmur hafa kannski gaman af þessu og það fer líka að koma tími á smá jólaskap, og pakka, og afmæli og...próf

Skemtilegt

Að finna gamalt komment sem maður hafði ekki tekið eftir. Takk Ásta mín, þú mátt taka þessu hvernig sem þú villt.

Það er eitthvað ógeðslegt við að Bush skuli náða tvo fugla og halda svo áfram að myrða fólk í öðrum löndum.

TV

Dr Romano dauður í ER
Eric yfirgefur Donnu í That seventies show
April rekin í americas top model
...
og dönsku klámvísurnar halda áfram að bíða rólegar á skrifborðinu

Stum

Ég á að vera að skrifa ritgerð, mjög áhugaverða ritgerð. Mig langar voða mikið að gera hana vel, ég veit allveg hvernig hún á að vera, búin að kryfja efnið til mergja og veit hvað mig langar að segja. Ég tók til í stofunni, raðaði glósunum mínum í tímaröð, kveikti á kertum, kom tölvunni og orðabókunum fyrir og...ekkert. Ég veit ekkert hvað ég á að segja, hvar ég á að byrja eða hvað ég á að gera...

Já og já eftir miklar bollaleggingar, samningarviðræður og ákvarðanatökur, er ég loksins komin með framtíðina í hendurnar. Ég er orðin stolltur eigandi hvítrar fartölvu. Eithvað er þó framtíðin treg í taumi því ekki hefur verið hægt að komast á netið fram á þessu. Mjallhvít litla hefur gengið manna á á milli til að reyna að fá bót sinna meina og nú er ég loksins komin í samband við umheiminn. Sambúð okkar Mjallhvítar hefur gengið vel fram að þessu, þó er sambýlismaðurinn eitthvað ósáttur við skort á athygli sem þessi breyting hefur valdið, en er að jafna sig Vildi bara deila þessu með ykkur/þér/sjálfri mér.

Annað sem hefur drifið á daga síðastliðinn mánuðin:
Ég var alltaf blaut í vinstri fótinn
Og kalt á eyrunum
(í kjölfarið uppgvötvaði ég gat á skónum mínum og keypti mér húfu)
Búin að sofa yfir mig, að meðaltali tvisvar í viku
Skrifa óskalista yfir allt sem mig langar í...laaangann
Farið í fullt af prófum og svoleiðis
Fór á tónleika með NýDönsk og sinfó,æði!!!
Eignast nýtt uppáhalds lag, textahöfund og söngvara
en missti af Marianne Faithfull tónleikunum
Keypti skó sem eru svo ljótir að þeir eru flottir (bleikir með blómum)
Fór í grímupartí dulbúin sem rósarunni (wearing said shoes
Fór í nítíuogeinsárs afmæli ömmu minnar
Hitti Ástu mína og fékk að hlæja að henni eina kvöldstund,v. nice
og mest lítið annað

Það sorglega við þetta er að þessi mánuður var óvenju viðburðarríkur, sem getur bara þýtt eitt...my life is crashingly boooring

Ahh

Ég er komin heim, nokkrum tugum þúsundum fátækari og nokkrum flíkum ríkari. Mér tókst að næstum að framkvæma allt sem ég ætlaði mér, labba um, fara á söfn, borða (fékk mér tvisvar smörrebröd mmm), hefði þegið einn dag í viðbót til verslunar, en hefði væntanlega ekki getað borgað fyrir það svo það var kannski eins gott.
Ég á reyndar mjög erfitt með að kaupa mér föt einhvertíman hef ég bitið það í mig að svoleiðis sé ekki gert nema þagar það sem maður á er orðið gegnsætt af notkun. Sem þýðir að ég á eiginlega bara ljót föt. Auk þess er ég mað einhverja áráttu fyrir því að kaupa bara praktísk föt; boli, gallabuxur, svartar ullarpeysur og þessháttar sem þýðir að ég á engin spari eða djammföt, sem svo leiðir af sér panik-ástand þegar brúðkaup, afmæli eða eithvað fínt stendur fyrir dyrum.
En fataskápurinn minn er þó orðin nokkuð feitari en hann var áður en betur má ef duga skal, vil ég því biðja ykkur kæru lesendur (þótt þið séuð ekki margir) að gefa mér einhverja fallega flík í afmælis og jólagjafir, svo að hægt sé að sjást með mér á götu í framtíðinni, það er augljóst að ég get þetta ekki sjálf ;)

departure: - 4 hours

Húrra lanþráður dagur loksins runnin upp. Íbúðin er (næstum hrein) og ég er búin að pakka. Þetta gekk þá ekki hrakfallalaust fyrir sig; eldhúsgólfi þornaði ekki svo það var á mörkunum að ég gæti klárað að vaska upp, gleymdi að skola hárnæringuna úr hárinu á mér og fattaði það ekki fyrr en ég var búin að blása það og var næstum byrjuð að slétta það (ég er svo bræt stundum), en nú er komið að þessu. Nú er bara að skrifa miða til passaranna og drífa sig af stað.
Húrra!!! Denmark here I come

Oj þeim

Jón Steinar Gunnlaugsson er orðin hæstaréttardómari,
það er búið að rífa niður gömlu innréttungarna í lansbankanum svo það er ekkert gaman að koma þangað lengur,
Það er uppselt á Marianne Faithfull tónleikana,
og ég á ennþá eftir að klára fáranlega einfalda ritgerð áður en ég get farið að pakka!!!
...grrr

Operation cleaning

Íbúðin mín er að fara í pössun um helgina. Ungherra Sigurðson ætlar að taka að sér að dvelja hér á meðan ég er í köben og klappa kettinum og svoleiðis. Þessi ráðahagur hefur leitt af sér gífurlega tiltekt, því þó að það sé alkunna að ég er sóði og hef mjög háann draslþröskuld óska ég engum þess að búa í mínum skít. Hef þess vegna ráðist í stóraðgerðir cleaningwise, þreif m.a.s eldhúsinnréttinguna sem var svosem ekki vanþörf á, þannig að ég er búin með jólahreingerninguna, húrra.

Nú þarf ég bara að lesa eina skáldsögu, tugi blaðagreina og skrifa eina ritgerð og þá er ég tilbúin.

dúmsídúms...jammogjá

Síðustu daga hef ég oft fengið góðar hugmyndir og oft hefur verið reynt að byrja en alltaf hætt við og hef svosum ekki miklu við þetta að bæta, og þó og þó... Gæti kannski talað um;

Hvað ég kann vel við Þjóðarbókhlöðuna,
Hvað ég hlakka mikið til að fara til Köben á fimmtudaginn
Hverju ég hef tekið eftir á flandri mínu um miðbæinn,
-hvað Prikið er orðið glansandi fínt
og að nýji umhverfisráðherrann mætti í gulum jakka á fyrsta fundinn sinn í stjórnarráðinu
Hvað ég er orðin leið á að þvælast ein í bænum milli 14 og 15 á miðvikudögum og ef þú kæri lesandi sérð mig á þessum tíma myndir þú viljir koma með mér á kaffihús?
Hvað ég er orðin þreytt á að hitta ekki á rétta stafi á lyklaborðinu
Hvað sambýlismaðurinn er orðinn hrifinn af Erikum (blóminu sko)
Að skólataskan mín rifnaði fyrir einni og hálfri viku síðan og ég tými ekki að kaupa mér nýja en er á sama tíma orðin voða þreytt á að halda á öllum bókunum mínum
Hvað mig vantar mikið hjól til að komast einhvertímann á réttum tíma í skólann
Hvað mér þykir Gísli Marteinn leiðinlegt sjónvarpsefni, en hef víst sagt það áður
Að ég hef ekki getað boðið Bryn í súkulaðiköku afþví ég nenni ekki að taka til :(
og hvað mig langar mikið með henni í bíó en hef væntanlega ekki tíma fyrr en í næstu viku
Hvað Norðmenn gera góðar auglýsingar
Hvað mig langar að fá Louísu heim
Að starf mitt er orðið þess valdandi að ég er hætt að þola börn (utan vinnutíma)
og fleira og fleira...
Þetta efni hefði getað enst mér fram að jólum en hvað um það, ég er búin að koma þessu frá og ef einhvern vantar nánari útskýringar þá er bara að spurja.

Næturlífið

Í nótt átti ég í merkilegum samræðum við mann útum gluggann á leigubíl:

Maðurinn: Ertu á lausu?
Ég: já
maðurinn horfir í smá stund
Maðurinn: Afhverju?
þessari spurningu gat ég ekki annað en svarað
hreinskilningslega: Ég bara veit það ekki
Maðurinn: Ertu kærulaus(hvað sem það nú átti að meina)viltu ekki svona littla, sæta stráka eins og mig?
Þessari spurningu gat ég ekki svarað því þessi maður var ekki lítill og ekki sætur og örugglega tæplega fimmtugur.

Stuttu seinna fór leigubílstjórinn að fræða mig um James Bond og og einhverja hljómsveit sem ég hef aldrei heyrt um.

Úff

Í heimsku minni skipti ég óvart á Ísland í dag(eitthvað sem ég reyni að gera ekki)og þar var Love gúrú að... perfomera (for lack of a better word)og það var ekki gott, eiginlega bara hræðilegt. Ef þetta átti að vera fyndið var ég ekki að sjá það, og þar sem mér skilst á ákveðnum danmerkurfara (sem virðist vera hættur að lesa síðuna mína btw, hint hint)þarf maður að vera suddalega drukkin til að sjá húmorinn í þessu. Sem þýðir að ég mun aldrei ná þessu. Sem er svosem ekkert svo slæmt.

Þó get ég ekki ábyrgst að ég geri þetta ekki sjálf.

Umnefni

Mikið er ég feginn að aðrir hafa sömu skoðun á þessu og ég. Einnig fer það voðalega í taugarnar á mér þegar manni er heilsað með lýsingarorðum s.s "Hæ sæti/sæta/sætu hjón/sæta par" þetta hljómar eithvað svo yfirborðskennt og ég er alltaf að bíða eftir því að einhver missi útúr sér "hæ ljóti/feiti/leiðinlegi"
Gott dæmi um þetta er að finna í kvikmyndinni Dís, sem er að öðru leiti ágætis mynd en stórmenguð af þessu leiti.

Drættir

Ég er komin með yfirdráttar heimild. Já nú var ekki lengur hjá því komist að verða maður með mönnum og ná sér í svoleiðis. Það kemur reyndar ekki til af góðu þar sem ég þurfti að taka námslán til að lifa af árið. Ástæðan fyrir því að ég er einmitt á netinu núna er sú að ég þarf að athuga nákvæmlega hversu miklum péningum ég er búin að eyða það sem af er mánuðinum.
Ég tók neblega þá skynsamlegu ákvörðun að skrá mig í dönsku til 30 ein. sem kemur svo í ljós er áræðinlega dýrasta fagið í öllum háskólanum, bókalega séð. Ekki bætir það stöðuna að ég keypti náttúrulega vitlausa bók í einu fagi og get ekki skipt henni því ég fattaði það ekki fyrr en ég var búin að merkja mér hana, 5000 kall farinn þar, arrg. Sé samt ekki eftir valinu því námið er voða krúttlegt og sætt, næstum eins og að vera kominn í menntaskóla aftur.
Annars er skólinn voða fínn, fyrir utan gærdaginn þegar ég ákvað að fara á flottu, ónýtu, HÁHÆLUÐU stígvélunum mínum og pilsi, og fór svo labbandi í skólann. Mistök sem ég geri ekki aftur.
"Afhverju?" spyrja þá sumir "afhverju fór hún Anna yfirmátaskynsamaíklæðavali eins og puntudúkka í skólann?". "Æi" svarar hún þá "það voru allar hinar stelpurnar eitthvað svo fínar í pilsunum sínum að mig langaði að prófa líka og ég átti ekki aðra skó sem pössuðu við pilsið"
Heyriði þetta! "allar hinar" það virðist vera að HÍ sé að takast það sem barnaskólanum, gagnfræðaskólanum og menntaskólanum tókst ekki...fá mig til þess að vilja vera eins og allir hinir. En örvæntið ekki reynsla gærdagsins hefur sýnt mér að "allir hinir" eru ekki svarið, ó nei. Svartir, FLATBOTNA, Camperskór eru svarið. Best að athuga með yfirdráttinn.

Ahhh

Föstudagur: Money in the bank, matur í ískápnum og Michael Ball í sjónvarpinu, og öll helgin framundan.

Öskur og læti

Mikill djöfulsins hávaði getur verið í drukknum unglingsstelpum!!!!

Undur og stórmerki

Var að fá svona heimsendingarseðil frá skólanum með svona yfirliti yfir námsferilinn og það kemur í ljós að ég er með yfir 8 í meðaleinkun.

Team spirit

Stærsta vandamálið við Olympiu leikana að mínu mati er að það er svo langt á milli að maður gleymir reglunum á milli.
Já lesendum kann að þykja þessi staðhæfing undarleg frá mér komin en jú ég hef gaman af sumum íþróttaviðburðum. Ég hef endurnýjað kynni mín við þulina hjá Eurosport og dramatíkin og spennan þar á bæ heldur mér fastri yfir sjónvarpinu, í kvöld er það liðakepni í fimleikum.
Ég held með rússunum eins og venjulega, en græt það svo sem ekki þótt rúmenarnir nái gullinu, á meðan það eru ekki Améríkanarnir. Annars eru þessar dvergvöxnu smá stelpur alveg stórmerkilegar, hoppandi og skoppandi, með glimmer og gel í hárinu og framkvæma hluti sem á eiginlega ekki að vera hægt að gera og það virkar ekki einu sinn flókið.
Og jújú Rúmenar voru að enda viða að rústa könunum og Rússarnir í þriðja. V. good

Önnur keppni eftir tvo daga.

Big brother

Í gær byrjaði tölvan mín að klikka, í dag fæ sendan ég auglýsingarbækling um Tölvulán frá bankanum mínum. We are not alone.

Eitthvað er tæknin að stríða okkur

Þeir sem þekkja til hennar vinsamlegast biðjið hana að hætta þessu!

Af gefnu tilefni

Ég er búin að eignast aðdáanda. Hann er ljóshærður með blá augu og í gær fékk ég að svæfa hann eftir langan og strangann dag í aðlögun. Hann var lítill og hræddur en honum leið betur afþví að ég var hjá honum. Honum leið líka betur við að sjá mig þegar hann vaknaði umkringdur ókunnugum sofandi hrúgum og grét þangað til ég kom og bjargaði honum. Hann er eins og hálfs árs og hann er vinur minn.

Mér finnst gott að geta hjálpað svona greyjum sem geta ekki hjálpað sér sjálf.
Mér finnst gott að eiga marga vini (52 +), þó þeir séu helmingi minni en ég og kunni ekki að tala.
Og mér finnst gott þegar ég veit að einhverjum þykir vænt um mig
Ég fæ mín sjö knús á dag (and then some) og það besta er að ég fæ að skila krílunum í lok dags og koma heim til mín, hlusta á þögnina og klappa kettinum. Því þetta er erfitt, og þá meina ég mjög erfitt, en þegar þetta er gott, þá er þetta best.

Ég fæ mikið kikk útúr því þegar yfirmaður minn er tilbúin að gera næstum hvað sem er bara til þess að halda í mig, þó það sé bara í einn og hálfann dag í viku.Mér finnst æði að vera góð í því sem ég geri og frábært þegar það er metið við mig.

Ég veit að ég er líka góð í öðru og ég get fengið miklu meira fyrir það. Það er náttúrulega bara djók að skammast sín fyrir launin sín því allir í kring um mann eru komin með fullorðins kaup og maður er sjálfur að hala inn unglingavinnu pening. Verið samt ekkert að segja mér að skipta um vinnu... þetta er bara of gott.

Og á þriðjudaginn fæ ég að gera þetta allt uppá nýtt.



















...Og nei ég ætla ekki að verða Leikskólakennari!

Fuck Vísa

Ég tek það fram að mér reynist ekki létt að nota Vísakort. Reyndar vildi ég gjarnan vera ein af þeim sem nota það út í hið óendanlega og er bara allveg sama um afleiðingarnar, en ég er bara ekki þannig. Það hefur hingað til verið dregið fram í lok mánaðarins þegar allur péningur er búinn, eða í erlendum viðskiptum mínum (amazon dot kom og annað skemtilegt).
Þetta hefur þó ekki verið neinn gífurlegur peningur hingað til. En nú er svo komið að ég er orðin (hrollur) "fullorðin" og er því farin að ferðast ein til útlanda, rosa gaman og mikið fjör nema það að nú þarf ég að borga allt ein og sjálf, sniff. Enginn til að bjóða mér í mat eða bíó eða kaupa handa mér eithvað fallegt, og þar kemur vísa kortið inní.
Þá er afskaplega þægilegt að hafa svona kort sem virkar allstaðar en það er vita vonlaust fyrir mig að halda reiður á því hversu miklu ég er búin að eyða og þess vegna er ég nú komin í þá stöðu að ég skulda pabba mínum (sem betur fer fara mín viðskipti í gegn um hann annars væri ég í fangelsi núna) yfir 100.000 kr. Eða réttara sagt var ég í þessari stöðu í byrjun júní og er búin að vera að borga smámsaman í allt sumar og á núna um 70.000 eftir. Púff með þessu áframhaldi verð ég búin að borga þetta niður næsta sumar.
Ég er nefnilega í svona hugsjóna starfi sem ég fæ sama og ekkert borgað fyrir, þannig að ég sem ætlaði að verða rík í sumar (sem þýðir 90. þús í stað 50. þús sem ég lifði á í vetur) er í nákvæmlega sömu sporum og í vetur, nema núna er þetta svo miklu, miklu sorglegra.

"Sumarfrí"

Sumarfríð er búið og eftir standa viðburðarsnauðustu dagar lífs míns.
Mín skilgreining á fríi er; að gera allt sem maður hefur ekki haft tíma til að gera sökum vinnu og annara anna. Í ár stóð mér nákvæmlega ekkert til boða, engin utanlands ferð,engin útilega og aungvar stórframkvæmdir ( voru allar yfirstaðnar þegar fríið byrjaði) og mér hundleiðast smáverk og dútl og annar lokafrágangur svo það nýttist mér ekki. 
Sem sagt vita gagnslaust frí.  Reyndar settu veikindin stórt strik í reikningin vegna þess að ég hafði í raun bara þrjá daga í að vera allveg hraust og spræk og hef síðan verið hálf ónýt. 
Nokkrir atburðir hafa þó reddað því sem reddað varð.  Einkabílstjórinn og frú fóru með mig í tvær dagsferðir eina á Snæfelsnes (orkan úr jöklinum var þó ekki nóg til að ná úr mér restini af pestinni) og aðra á þingvelli, sem var indælt.  Einnig stendur uppúr minn þáttur í undirbúningi brúðkaups systur Louísu, sem var að blása upp blöðrur og hengja þær upp, sem var svaka stuð sem stóð í tvo tíma , en þar með er það líka upptalið.
Á morgun á ég svo von á litlum glókolli í aðlögun og þarmeð er ég aftur farin að vinna. Og mig hlakkar m.a.s til.

Jahá

Það er sagt að gáfur gangi í ættum

Haleluja!

Ég hef náð heilsu. Er reyndar ekki alveg eins og ég á að mér að vera enda hef ég ekki veikst svona illa í  laaángann tíma.  En ég er að skríða saman og er ennþá í gleði rússinu sem maður kemst í þegar maður kemst aftur út eftir veikindi.  Lángar mig því að þakka þeim sem hugsuðu um mig á meðan.

• Foreldrum mínum, að sjálfsögðu, fyrir að sjá mér fyrir mat, þrífa íbúðina og klappa kettinum á meðan ég gat það ekki.
• Louísu, fyrir að taka sénsinn á vírusnum og koma í heimsókn og ræða heimsmálin.
• Snjólaugu fyrir að færa mér pizzu og kenna mér á bloggið. Auk þess að sitja undir samhengislausum ræðum um skólakerfið,  barnauppeldi og annað merkilegt.
• Fríðu fyrir að hringja og halda uppi heiðri okkar á Littla Brún.                                                                              og síðast en ekki síst...
• Íbufeninu mínu sem ég dundaði mér við að maula og hjálpaði mér við svefn og bjargaði því sem bjargað varð.

Alla veganna er ég bötnuð og er voða glöð með það og við taka þessir fimm dagar sem ég á eftir af þessu blessaða sumarfríi svo ef einhver hefur ekkert að gera næstu daga þá býst ég við að vera heima að þrífa svo að ég er til í allt.

Tecnology

Vegna nýtilkominnar tölvukunnáttu minnar (með smá hjálp frá ákveðnum pizzusendli)vil ég benda ákveðinni manneskju á svæðið hér vinstra megin. Meira á leiðinni.

Eymd og volæði

Árlega fer Ferðafélag Háskólakórsins, Litli Brúnn í útilegu þriðju helgina í júlí. Næstu helgi. Ég er buin að láta mér hlakka til þessarar helgar síðan í Apríl.
Þegar ég fór í sumarfrí fyrir viku síðan tók ég til gúmískóna og pollagallann, hlýrabolinn og sandalana sem sagt tilbúin í allt. Nema þetta...39 stiga hita beinverki og eyrnaverk. No camping for me :(
Þetta stefnir í að verða leiðinlegasta sumarfrí allra tíma. Grenj

Rescue me!

Ég held í fúlustu alvöru að ég hafi náð botninum í einmanalegu heimilislífi.
Ég var að enda við að panta mat frá heimsendingarþjónustu Pítunar. Einhvernvegin finnst mér verra að panta mat frá svona littlu fyrirtæki heldur en t.d Dominos, veit ekki afhverju.
Annars passar þessi verknaður ágætlega við ástandið á heimilinu þessa daganna. Hér hafa staðið yfir miklar framkvæmdir síðustu daga sem hafa valdið því að heimilið lítur út eins og... já ok eins og venjulega, allt í drasli... ryk + OG allt sem ég á troðið inn í eitt herbergi. Reyndar hefur eitt gott fylgt þessum framkvæmdum, sem er að rúmið mitt er inni í stofu, sem þýðir að ég get horft á sjónvarpið í rúminu, sem er gooott. Við sambýlismaðurinn liggjum því yfir hinum og þessum mis lélegum sjónvarpsþáttum í rúmi sem líkist meira og meira bæli eftir eftir því sem dagarnir líða. Hér borða ég og sef, horfi á sjónvarpið, tölvast og les.
Heimurinn minn hefur snar minnkað síðustu daga og heldur áfram að minnka næstu vikur því ég er komin í sumarfrí.
Ég bið því alla þá sem kunna að lesa þetta næstu tvær vikur og hafa tíma að hringja í mig og viðra mig svo ég grafist ekki undir drasli og umbúðum af skyndibitamat.

Hjálp...

Gleði, gleði

Hún Louísa mín er komin heim :)

Fréttir

Þetta gat náttúrulega ekki gengið svona áfram hjá henni greyinu.

Húrra!!!

Nú er þetta loksins að verða búið, HM í fótbolta það er að segja.
Nú þykir mér ekki gaman að fótbolta en mér þykir aftur á móti gaman af listskautum (don't ask). Það þætti samt doldið furðulegt ef ég sæti yfir þessu allann daginn! Því ekki nóg með að ég passaði uppá að sjá allt í beinni útsendingu og endursýningu heldur sæti ég yfir öllum fréttum til að sjá allan fréttaflutning um kepnina og aðstandendur hennar, OG lægi yfir öllum samantektum og umræðuþáttum. Þessu, myndi þjóðin sitja yfir með mér af því að það er ekkert annað í boði. Spennandi!!!

For the reccord

ég hef samt ekki og mun ALDREI sætta mig við svokallaðann "skólasöng" MH, ég er ekki gengin svo langt.

Nostalgía

Ég sakna þess að vera unglingur. Ég veit, ekki beint eithvað sem ég hefði búist við að segja nokkurntímann og kannski er best að umorða þetta: ég sakna þess að vera MHingur. Ekki afþví að MH sé svo "ógeðslaga kúl" eða neitt heldur bara vegna þess að mér leið vel þar.
Ástæðan fyrir þessu nostalgíu kasti er sú að ég fékk flensu í síðustu viku (I know, bear with me)sem varð til þess að ég eyddi ótæpilegum tíma á netinu (you see where this is heading ;)).
Á þessu flandri mínu ákvað ég að kíkja á heimasíðu littla frænda, sem var svo sniðugur að feta í fótspor mín, og fór í framhaldi af því skoða heimasíður annara MHinga. Er að sjálfsögðu búin að grafa upp ýmislegt fræðandi (lesist:slúður) en það sem mikilvægara er, helltust yfir mig hlutir sem ég var búin að gleyma.
Eins og:
Beneventum og Skaramús, rit sem bæði voru að ganga í gegn um erfit tímabil þegar ég var þarna en munu í minningunni lifa sem merkilegustu og stöðugustu rit sinnar tegundar.
Ostaslaufa og Súperdós í morgunmat, Pizza með skinku og ananas í hádeginu á föstudögum, og önninn þegar kóki var skipt út fyrir pepsi (betri díll) og viðbrögðin nálguðust uppreisn.
Borðið mitt, Sómalíuborð til hægri og baráttan við að halda því (helvítis busar)
Allt þetta er að rifjast upp fyrir mér núna tveimur og hálfu ári eftir að ég gekk þaðan út í síðasta sinn.
Ekki misskilja mig, ég var langt frá því að vera merkileg í þessum skóla, mestan hluta skólagöngunnar var ég í mínum egin heimi með vinum mínum og naut þess að hafa hátt og láta eins og fífl fullviss um að enginn tæki eftir mér (kom seinna í ljós að flestir muna eftir mér og okkur en við könnumst varla við neinn ;)) En ég átti heima þar. Ég hef þess vegna ákveðið að í haust ætla ég að halda á heimaslóðir, fá mér ostaslaufu og súperdós og njósna aðeins um littla frænda og passa uppá að hann hagi sér vel.

Að lokum þessa laááánga blogs (og sviga nauðgunnar) vil ég að allir rísi úr sætum og hafi eftir mér...
Lifi Menntaskóli vor og fósturjörð...húrra, húrra, húrra!!!

3. í fííílu

14 stiga hiti og skýjað í Köben humff!!!

2. í fílu

Og smörrebrödið, ég gleymdi smörrebrödinu!
sniff :(

Og svo er mér líka kalt

Ohh!

Ég var svo nálægt því að komast í helgarferð til Kaupmannhafnar eftir tvær vikur...svo nálægt.
Rosalega fer í taugarnar á mér þegar góðmennska og gjafmildi eins er eyðilögð af einhverju öðru (bókunarkerfi Icelandair í þessu tilfelli).
Ég var farin að finna bragðið af steikinni sem ég ætlaði að fá mér, sá fyrir mér fötin sem ég ætlaði að kaupa mér og var almennt farin að láta mér hlakka til. En nei!
Helvítis!!!!
Hef ákveðið að vera í fýlu út vikuna :(

Comment

Mér tókst það!!!! húrra húrra mér tókst það. Gjörið svo vel the floor is open :)

Nú þarf ég bara að læra að gera broskarla...anyone?

Sumar

Í dag á heitasta degi sumarsins mætti ég í vinnuna í svörtum flauelisbuxum og ullarpeysu!!! Ég þarf varla að taka það fram að mér var heitt.

Gríman

Er að horfa á Grímuna og er að drepast úr gremju yfir öllum sýningunum sem ég hef ekki drullast að sjá á liðnum vetri og kem aldrei til með að geta séð.
Það rifjast líka líka upp fyrir mér loforðið sem ég gaf sjálfri mér í haust að fara á allar sýningar sem mig langaði á og ef ég fengi engann með mér færi ég bara ein!

Ég hef ekki farið á eina einustu sýningu.

Og bara til þess að bæta á ergelsið var Baltasar Kormákur að fá verðlaun fyrir Leikstjórn...fuck!!!!!!